DANIEL 2:11 - Pathien Lekhabu Inthieng (BSI)

¹¹ Lal thil dit dân hi thil vâng tak a nih; taksaa chêng nilo pathienhai ti chau naw chu tukhawm lal hmaa inentir thei ding hrim hrim an um nawh,” an ta.

DANIEL 2:11 Iomraidhean Croise

INṬANNA 41:39

Pharao bawk chun Josef kuomah, “Pathienin chuong po po chu ân hriettir che leiin, nang anga bengvâr le var hrim hi an um nawh:

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 CHANCHIN SUINA 6:18

Nisienlakhawm, thilthaw tinrêngah mihriemhai lai Pathien chu a khawsa ding am a nih? Ngai ta, vân le vânhai vân khawm chun nang chu a dâwl naw che a nih; hi in ka bâwl lem hi chu a chîn nasa âwm de!

INPÂKNA HLABU 132:14

“Hi hi kumkhuoa dinga ka châwl hmun ding a nih, Hitaka hin um zing ka tih, ka nuom zâwng a ni si a.

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

FESUOKNA 29:45

Israel mihai lai chun um zing ka ta, an Pathien nîng ka tih.

FESUOKNA 8:19

Aisânthiemhai chun Pharao kuomah, “Hi hi Pathien kutpâr a nih,” an ti a. Pharao lungril ruok chu sukngarin a um a, Lalpain a lo hril ta ang ngei khan, an thu chu a ngai chuong nawh.

ISAI 47:12

În vêngna le i dâwi hmangna, i naupangtea inthawka în suksâwl hlaknahai chu ngîrpui ta la; i ṭhathnempui thei ding phawt a, i hnepui thei ding phawt chun.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 8:18

Ngai ta, kei le Lalpa mi pêk naupanghai hi, Israelhai lai hin sipaihai Lalpa Zion tlânga um kuoma inthawka inchikna ding le thilmakhai ding dâm kan nih.

DANIEL 4:4

Kei Nebukadnezzar hi ka ina chun inhawitakin ka um a, ka lal ina chun chênghnâwngtakin ka um a.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

JOEL 3:21

Chun, an thisen ka isâwpfai naw chu sâwpfai ka ta, Lalpa chu Ziona chun a chêng zing si a.”

NAMBAR 35:34

In umna ram, ka umna hi in sukpawrche ding a ni nawh, kei Lalpa chu Israel mihai lai hin ka um si a,’ ti rawh,” tiin.

MATTHAI 19:26

Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu naw a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;