DANIEL 2:1 - Pathien Lekhabu Inthieng (BSI)

¹ Chun, Nebukadnezzarin ro a rêl a, a kum hninaa chun Nebukadnezzar chun manghai a mang ta a, a lungril chu a hung buoi ta a, in khawm a in ṭha thei ta naw a.

DANIEL 2:1 Iomraidhean Croise

ESTHER 6:1

Chu zân chun lal chu a in thei ta naw a; lal chanchin hriet zing dinga ziekna lekhabu chu hung la dingin thu a pêk a; chuongchun, lal hmaa chun tiem an ni ta a.

JEREMIA 25:1

Juda ram lal Josia naupa Jehoiakim inlal kum linaa Juda mipui po po chungthua Jeremia kuoma thu hung tlung chu: chu kum ma chu Babulon lal Nebukadnezzar inlal kum khatna a na;

DANIEL 2:3

Lal chun an kuomah, “Mang ka nei a, chu mang chu hre suok nâwk dingin ka lungril a buoi ngawt el a nih,” a ta.

DANIEL 4:2

Pathien Chunghnungtakin ka kuomah inchiknahai le thilmakhai a thaw chu inentir hi ṭhain ka hriet a.

DANIEL 4:5

Mang mi sukṭi êm êm el chu ka hmu a, ka khum chunga ka ngaituonahai le, ka lua ka thil hmulâwknahai chun a mi suklungzîng êm êm a.

DANIEL 5:9

Chuongchun, lal Belsazzar chu nasatakin a lunginzîng tah a, a hmêl chu a hung danglam a, a lalhai khawm chu an lunginzîng nasa hle a.

DANIEL 6:18

Chun, lal chu a lal ina chun a fe a, chu zân chu bungheiin a hmang zo tah a; a hmaa chun thil rimawihai hung lâkin a um ta naw a, a imu chu amaa inthawkin a zâm hmang ta a.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

DANIEL 7:15

“Kei Daniel ruok chu, ka taksa sûnga chun ka lungril chu suknatin a um a, ka lua thil hmulâwkhai chun an mi suklungzîng hle a.