DANIEL 12:3 - Pathien Lekhabu Inthieng (BSI)

³ Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

DANIEL 12:3 Iomraidhean Croise

FESUOKNA 34:35

chun, Israel mihai chun Mosie hmai, Mosie hmai vun var chu an hmu ta a. Lalpa kuoma ama be dinga a fe nâwk hmakhat chun, Mosie chun a hmai inkhumnain ân khum nâwk hlak a.

THUVARHAI 11:30

Mi fel ra chu hringna thingkûng a na, Lungrilhai latu chu mi var a nih.

THUVARHAI 3:35

Mi var chun ropuina chu hluong a ta, Amiruokchu, invêthai kaisângna chu inzakna nîng a tih.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

THUHRILTU 12:9

Chu bâka chun, Thuhriltu hi a var leiin, mihai chu hrietthiemna ân chûktir hlak a, anih, a ngaituo a, a zawngsuok a, thuvar tamtakhai chu indawt peiin a sie a.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

JEREMIA 23:22

Nisienlakhawm, ka rorêlnaa lo ngîr ta chu ni hai sienla, ka mihai chu ka thuhai chu inhriettir an ta, an thilthaw suolhaia inthawk le, an lampui suolhaia inthawk chun inkîrtir tâng an tih.

DANIEL 11:33

Chun, mihai laia a varhai chun, mi tamtak inchûktir an ta; ni tamtak sûng, râllâk le, sala manin mei le kâwlhnâmin tlûng an tih.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

DANIEL 12:10

Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tukhawmin hrethiem naw ni hai; amiruokchu, a varhai chun hrethiem an tih.

MATTHAI 13:43

Chu pha chun, mi felhai chu an Pa rama chun nisa angin var tâng an tih. Na nei chun hre raw se.

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

JOHAN 4:36

A sîktu chun hlaw a hmu hlak a, chatuona hringna chena um dingin ra a sîk hlak, a tutu le a sîktu an lâwm rêl theina dingin.

JOHAN 5:35

Chu Johan chu khâwnvar chawktak le var tak a nih, a varah lân sukhlim in nuom kha.

THILTHAWHAI 13:1

Chun, Antiokeia kohran lai chun thu hriltuhai le inchûktirhai an um; chuong chu Barnaba hai, Simeon Niger an ti hai, Kurini khuoa Lukia hai, lal Herod unau Manaina hai, Saula hai leh an nih.

1 KORINTH 3:10

Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.

EPHESI 4:11

Chuongchun, ṭhenkhathai chu tirko ni ding dâmin, ṭhenkhathai chu zâwlnei ni ding dâmin, ṭhenkhathai chu Chanchin Ṭha hriltu ni ding dâmin, ṭhenkhathai chu kohran châwmtu le inchûktirtuhai ni ding dâmin a pêk a:

HEBRAIHAI 5:12

A hun ngaituo chun inchûktirtu ni rau ta âwm in nia chu, Pathien thu inchûktirna bulhai chu inchûktir in ngai nâwk ta a; bu rum ni lova, nênetui la ngai mi ang in hung ni nâwk ta hi.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.

THUPUONGSUO 1:20

ka kut changtienga arasi pasari um i hmuhai le, rângkachak khâwnvar siena pasarihai thurûk chu, Arasi pasari chu kohran pasarihai tirko an na, khâwnvar pasari chu kohran pasarihai chu an nih.

RORELTUHAI 5:31

Chuong ang chun aw Lalpa, i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.