DANIEL 11:4 - Pathien Lekhabu Inthieng (BSI)

⁴ A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw ni a, a ram chu hieng mihai titâk lo khawm mi danghai ta ding khawma sukthlawng a ni ding a ni si a.

DANIEL 11:4 Iomraidhean Croise

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si naw a.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei naw a, a mithai chu hausaknaa chun a tlai ngai bawk naw a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

JEREMIA 12:15

Anni ka hmalthlâk hnunga chun hung kîr nâwk ka ta, an chungah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.

JEREMIA 12:17

Amiruokchu, an ngai naw chun, chu hnam chu hmalthlâng ka ta, hmalthlain suksieng ka tih, Lalpa chun a tih.

JEREMIA 18:7

Ieng huna khawm hnam amanih, lalram chungthuah hmalthla ding le sukchim ding le sukse dinga ka hril a,

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, Lalpa chanpuol nîng a tih, sukdar ni naw ni a, kumkhuoin pei thlâk khawm ni bawk naw nih.

JEREMIA 45:4

Chuongchun, ama kuoma chun hieng hin hril i tih: Lalpa chun hieng hin a tih: Ngai ta, ka rem ta chu sukchim ka ta, ka phun ta khawm chu phawidawk ka tih; hi hi ram pumpui sûnga hin:

JEREMIA 49:36

Chun, Elam chunga chun vân hmun palihaia inthawka thli palihai chu hung inhrângtir ka ta, chu thli fena tienga chun anni chu sukdar vawng ka tih, Elama inthawka hnaw dawkhai tlung nawna hnam hrim hrim um naw ni hai.

EZEKIEL 37:9

Chun, ama chun ka kuomah, “Thli kuomah thu hril la, mihriem naupa thu hril rawh, thli kuoma chun, Lalpa Pathien chun hieng hin a tih: ‘Aw thli, hnuoi kil lia inthawk chun hung la, hieng thata umhai chunga hin hung inthli rawh, an hring theina dingin,’ tiin,” a ta.

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuipui lien chunga an hrâng hi ka hmu a.

DANIEL 7:6

Hi hnunga hin, ngai ta, a dang keitê ang, a ruongzânga vate thlahai ang thla pali nei chu ka hmu a; chu sahrâng chun lu pali khawm a nei bawk a, a kuoma chun rorêlna chu pêk a ni ta a.

DANIEL 7:8

Kihai chu ka ngaituo a; chun, ngai ta, anni lai chun ki dang, ki chitê hi a hung suok a, chu hmaa chun ki hmasa pathumhai kha an zung chena phawi dawkin an um tah a; chun, ngai ta, chu kia chun mihriem mithai ang mithai le, bau chapotaka ṭawngsuok chu a um bawk a.

DANIEL 8:22

Chun, a tliek a, a hmuna pali hung suok kha, chu hnama inthawk chun lal pali hung ngîrsuok an ta; nisienlakhawm, a thilthawtheina le chu ni naw ni.

DANIEL 8:8

Chun, kêlchal chu ama le ama nasatakin ân chawimawi a, a hrât hle lai chun a ki ropuitak chu a tliek ta a; a aia chun vân thli palihai tienga chun ki maktak pali a hung suok a.

ZEKARIA 2:6

“Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

ZEKARIA 6:5

Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”

MATTHAI 12:25

Chun, Isûn an ngaituohai chu a lo hriet a, an kuomah, “Khâwlai ram khawm mâni indo taphawt chu an bo hlak; khâwlai khuo khawm sûngkhat khawm, mâni indo taphawt chu ngîr suok naw ni hai.

LUKA 12:20

Nisienlakhawm, Pathienin a kuomah, ‘Invêt, vawizân hin i thlarau an hni ding che a nih; i thil suksuokhai kha tû ta am ni tâng a ta le?’ ” a ta.

THUPUONGSUO 7:1

Chu hnunga chun khawmuola le tuipuia le, thing hrim hrima chun thli hrim a hrâng nawna dingin, hnuoi thli pali chu chelin hnuoi kil lia ngîr vântirko pali ka hmu a.