DANIEL 10:8 - Pathien Lekhabu Inthieng (BSI)

⁸ Chuongchun, ka khât chaua mâksanin ka um a, hi thilhmulâwk ropuitak hi ka hmu ta a; chun, keimaa chun hrâtna hrim hrim a um ta naw a: ka hmêl mawina chu sietnaa ân chang ta leiin, hrâtna hrim ka nei ta naw a.

DANIEL 10:8 Iomraidhean Croise

INṬANNA 32:31

Chun, a êlpui inpelsawl leia inbâi puma Peniel a suoksan lai tak chun nisa a hung suok a, ama chu a hung khaw a.

FESUOKNA 3:3

Mosie chun, “Tuhin va hnai ka ta, hi thilhmu ropuitak hin chîmbuk hi iengtiziea kâng hmang lo el am a nih va en ka tih,” a ta.

DANIEL 10:16

Chun, ngai ta, mi pakhat, mihriem naupahai angtak el hin ka hmûrhai chu a hung them a; chun, ka bau chu ka ka a, ka hmaa ngîr kuoma chun thu ka hril ta a, “Aw ka lalpa, thilhmulâwk lei chun ka lungngainahai chu ka chungah a tla ta a, chuongchun, hrâtna hrim ka nei ta dêr nawh.

DANIEL 10:17

Hi ka lalpa siehlaw hin hi ka lalpa kuoma hin iengtin am thu hril thei ka ta? Kei hlak chu kârlovin hrâtna hrim nei lovin ka um el si a, keimaa chun inthuokna hrim hrim khawm a um ta bawk si naw a,” ka ti a.

DANIEL 7:28

“Hi hi thu tâwpna chu a ni a; kei Daniel ta ding chun ka ngaituonahai chun a mi sukbuoi hle a, ka hmêlputziehai chu a hung danglam a; nisienlakhawm, chu thil chu ka lungrilah ka vawng zing a,”tiin.

DANIEL 8:27

Chun, kei Daniel chu ka châu a, ni iengzât amani chu ka damnaw a; chun, ka tho a, lal sin chu ka thaw ta a: nisienlakhawm, thilhmulâwka chun mak ka ti êm êm a, tukhawma an hriet thiem si naw a.

DANIEL 8:7

Chun, berâmchal hnaia hung chu ka hmu a, a chunga chun lunginsentakin a châng a; berâmchal chu a sik a, a kihai pahni chu a suktliek ta a; ama hmaa ngîr dingin berâmchala chun thilthawtheina hrim a um naw a; chuleiin, hnuoi chungah a tethlûk a, ama chu sirdein a chîl a; chuongchun, ama kuta inthawka berâmchal sansuok thei hrim hrim chu an um naw a.

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

MATTHAI 17:6

Inchûktirhai chun chu chu an hrietin bawkkhupin an tlu a, an ṭi ta bêk bêk a.

MARKA 9:6

An ṭi bêk bêk leiin hril ding mumal a hriet si naw a.

JOHAN 16:32

Ngai ro, a hun a tlung ding a ni tah, anih, a tlung zing tah, chu pha chun, mâni in sengah indar vawng in tih, keia khât chauin mi thlâthlam in tih; nisienlakhawm, Pa ka kuoma a um leiin makhât chauin ka um si nawh.

2 KORINTH 12:7

Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,