DANIEL 10:3 - Pathien Lekhabu Inthieng (BSI)

³ Bei inhnikin ka fâk naw a, sa le uoin hrim hrim khawm ka bauah a lût naw a, hriek hrim hrim khawm kân nâl ngai naw a, hapta thum pumhlûm a tling hmakhat chun.

DANIEL 10:3 Iomraidhean Croise

2 SAMUEL 19:24

Chun, Saula naupa Mephi-boseth chu lal tuok dingin a hung thla a; lal a fe suoka râlmuonga a hung kîr nâwk ni chen chun a kehai chu a chei naw a, a khâkhmul chu a chep ruol bawk naw a, a puonhai khawm chu a sâwp naw a.

JOB LEKHABU (THE BOOK OF JOB) 33:20

Chuongchun, a hringna chun bei chu a theida a, A lungril chun sa a ten a.

DANIEL 10:12

Chun, ama chun ka kuomah, “Daniel ṭi naw rawh, i Pathien hmaa nang le nang în sukhnuoi a, a ngaina hre dinga i lungril i siem nia inthawk khan i thuhai chu hriet a lo ni ta a, i thuhai lei chun hi ka hung a nih.

DANIEL 11:8

an pathienhai le, an milim sunga sunghai le, an tangkaruo le rângkachak bûrlebêl ṭhatak takhai chu râllâkin Aigupta rama chun phur hmang bawk a tih; chun, kum tam lem sûng chu hmârtieng lal nêkin inlal a tih.

DANIEL 6:18

Chun, lal chu a lal ina chun a fe a, chu zân chu bungheiin a hmang zo tah a; a hmaa chun thil rimawihai hung lâkin a um ta naw a, a imu chu amaa inthawkin a zâm hmang ta a.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

NAHUM 2:9

Tangkaruo râllâkhai chu lâkpêk unla, rângkachak râllâk sumhai chu lâkpêk ro; thil sêkkhâwl le thuomhnaw ṭha po po ropuizie chun tâwpintai a nei si nawh.

MATTHAI 6:17

Nang ruok chun bu i nghei pha i lu sahriek nâl la, i hmai phi rawh;

LUKA 7:46

Nangin ka luah hriek i mi nâl nawh; ama ruok hin chu ka kepha hriek rim inhnik a nâl.

1 KORINTH 9:27

Boruok chau hnek lovin kei le kei kân hnek a, ka taksa ka hnek rak rak a, suokah ka siem hlak; chuong naw chun, mi danghai kuoma tlâng ka însampui hnung khawmin ieng amanih tiin kei ngei khawm hi peithlâkin um rawi ka tih.