DANIEL 10:1 - Pathien Lekhabu Inthieng (BSI)

¹ Persia lal Kura inlal kum thumnaa chun a hming Beltesazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hrietthiemna a nei bawk a.

DANIEL 10:1 Iomraidhean Croise

INṬANNA 41:32

Chun, Pharao mang ân nei nawntirna che chu hi lei hi a nih, thil thaw ding chu Pathienin a sukdet a, Pathien bawkin ân tlungtir vak ding leiin.

2 CHANCHIN SUINA 36:22

Persia lal Kura inlal kum khatnaa chun, Jeremia baua Lalpa thu sukfamkim a ni theina dingin, Persia lal Kura lungril chu Lalpa chun a chawktho a, thuphuong a ram sûng po poa chun a siem a, zieka ziek khawmin a sie bawk a,

EZRA 3:7

Lung sut mihai le themthiemhai kuoma chun sum an pêk a; chun, Persia lal Kuraa inthawka phalna an nei ang peiin, Lebanona inthawka tuisuorieta Joppa chena Sidar thinghai an hung lâkna dingin, Zidon mihai le Tura mihai kuoma chun bu le dâwn ding le hriek dâm an pêk bawk a.

EZRA 4:3

Nisienlakhawm, Zerubbabel le Jesua le Israel pahnam upa danghai chun an kuomah, “Kan Pathien ta dinga in bâwl dingin keini le hin iengkhawm thaw ding in nei nawh; Persia lal Kurain keini thu a mi pêk angin, Israelhai Pathien, Lalpa ta dinga in chu keini khât ngeiin bâwl lem kan tih,” an ti a.

EZRA 4:5

an thiltum chu khap dingin an chunga rorêltuhai, Persia lal Kura dam sûng le, Persia lal Daria rorêl chen khan an ruoi ta a.

EZRA 6:14

Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo ta a.

EZRA 6:3

“Lal Kura inlal kum khatnaa chun, lal Kura chun thupêk a siem a; ‘Jerusalema Pathien in chungthua hin, in chu bâwl ni sienla, inthâwinahai an inhlânna hmun chu; chun, chu lungphûmhai khawm chu dettaka phûm ni nghe nghe raw se; chun, ân sângzie chu tawng sâwmruk, a khangtieng chu tawng sâwmruk bawk nîng a ta;

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

DANIEL 1:21

Chun, Daniel lem chu Kura inlal kum khatna chenin a um zing ta a.

DANIEL 1:7

Chun, mitillâk hotu chun anni chu hming tharhai a pêk a; Daniel chu Beltesazzar ân bûk a, Hanania chu Sadrak, Misael chu Mesak, Azaria chu Abednego.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau si a,” a ta.

DANIEL 11:2

“Chun, tuhin thudik chu inentir ka ti che. Ngai ta, Persiaa hin lal pathum la hung ngîrsuok an ta; a palina chu anni po po nêk chun nasatakin hausa lem a tih: chun, a hausakna leia a hung hrât chun, Grik ram do dingin mi po po chawktho a tih.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni si a,” tiin.

DANIEL 12:9

Ama chun, “Daniel, fe el rawh, hun tâwp chena dingin hieng thuhai hi khârkhum tlat le chârde tlat an ni si a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:8

Amiruokchu, a tâwp taka chun ka hmaa chun Daniel chu a hung lût a, a hming chu ka pathien hming ang peiin Beltesazzar a nih; amaa chun pathien inthienghai thlarau chu a um a; chuongchun, a hmaa chun mang chu ka hril ta a;

DANIEL 5:12

lalin Beltesazzar ân bûk Daniela chun, thu ringhla umhai sukfelin, thu khirtakhai a umzie inentirin le manghai hrilfiein, amaa chun hrietna dâm, thiemna dâm le lungril ṭha bîk chu hmu suokin a um a. Tuhin Daniel chu inkotir la, a umzie chu inentir el a tih,” a ta.

DANIEL 5:17

Daniel chun a dawn a, lal hmaa chun, “I thilpêkhai chu nangma ta ni lem sienla, i lâwmmanhai chu mi dang kuomah pe lem rawh, amiruokchu, lekhaziek chu lal kuoma chun tiem ka ta, a umzie chu inhriettir ka tih.

DANIEL 6:28

Chuongchun, Daniel chu Daria rorêl sûng le Persia mi Kura rorêl sûng po chu a hung hlawtling ta hle a.

DANIEL 8:16

Chun, mihriem râwl hi Ulai vapanghai inkâra chun ka hriet a, chu râwl chu a khêk a, “Gabriel, hi mipa hi thil hmulâwk kha inhriettir rawh,” a ta.

DANIEL 8:26

Chun, zântienghai le zîngtienghai thilhmulâwka thil hril chu ân dik a nih; nisienlakhawm, thil hmulâwk chu la khâr hri phawt rawh; ni la hung tlung ding tamtakhai ta ding chu a ni si a,” a ta.

LUKA 1:20

Ngai rawh, ka thu hrilhai, a hun taka hung tlung ding chu i awi naw leiin chuong thil chu a hung tlung hmakhat chu to zing i ta, ṭawng thei naw ti ni,” a ti a.

THUPUONGSUO 19:9

Chun, ‘Berâmte nuhmei neina ruoiṭhea fielhai chu an hamṭha ie,’ tiin ziek rawh,” a mi ti a. Chun, ka kuomah, “Hieng thu hi Pathien thu tak a nih,” a ti bawk a.