DANIEL 1:8 - Pathien Lekhabu Inthieng (BSI)

⁸ Nisienlakhawm, Daniel chun a lungrilin lal bu fâk le a uoin dâwnhai chun ama chu insukpawrche lo a tum tlat a: chuongchun, mitillâkhai hotu kuoma chun ama chu ân sukpawrche naw theina ding kawng chu a hni a.

DANIEL 1:8 Iomraidhean Croise

1 LALHAI 5:5

Chun, Lalpa chun ka pa David kuoma, ‘I naupa i aia i lalṭhungpha kân hluotir ding chun ka hming dingin in chu la bâwl a tih,’ tia a lo hril ta ang khan, Lalpa ka Pathien hming dinga in bâwl ka tum a.

INPÂKNA HLABU 106:28

Baal-peor tieng chun an kawp a, Mithi kuoma thilinhlânhai chu an fâk ve ta a.

INPÂKNA HLABU 119:106

I rorêlna feltakhai chu zâwm dingin, Ṭawng kân khâm a, ka sukdet bawk a.

INPÂKNA HLABU 119:115

Nangni thil ṭha naw thawtuhai, mi mâksan ro, Ka Pathien thilpêkhai ka vawng ṭhat theina dingin.

INPÂKNA HLABU 141:4

Rîtlona thilhai, Thil suksuol mihai thawpui dingin, Ka lungril hi thil ṭha naw tieng hrim hrima chun inthlêktir naw la, An fâk inhniktak takhai chu mîn fâktir bawk naw rawh.

THUVARHAI 23:3

Inhlêmna bu an nih ti hmuin, A tuihnâinahai chu châk ve naw rawh.

DANIEL 1:5

Lal chun kum thum sûng a châwm a, a tâwpa chun lal hmaa an ngîr theina dingin lal bu fâk le a uoin dâwn ngei chu ni tina an chanpuol dingin anni chu a ruotpêk a.

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

THILTHAWHAI 11:23

Chun, ama chu a va tlung a, Pathien lunginsietzie chu a hmu chun a lâwm hle a; ṭhahnemngaitaka Lalpa chel zing dingin an rêngin ân fui ta a.

THILTHAWHAI 15:20

milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

1 KORINTH 7:37

Nisienlakhawm, nuhmei nei lo dinga nawr lui lei ni lova, ama nuom thua nei naw tum tlat thei a ni ruok chun, a nuom anga a thaw chu a ṭha, a nuhmei huol a nei naw chu a thaw ṭha.

2 KORINTH 9:7

Mi tinin inro puma pe lovin, pêk naw thei naw anga ngaia pe bawk lovin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.

DÂN PAHNINA 32:38

An inthawina thâu fatu, An dâwn ding thilinhlân uoin dâwntuhai chu tuhâm an na? Hung thoin hung ṭhangpui hai sienla cheu, Nangni humtu ni raw hai se chu!