DANIEL 1:4 - Pathien Lekhabu Inthieng (BSI)

⁴ anni chu tleirâwl demkailo, ditumtak lem, varna po poa thiem, hrietna kawnga bengvâr, hrietna inthûktak hre mi, lal ina ngîr dinga theina nei mi an ni ding a na; chun, Kaldai ṭawng le thiemna ân chûktir bawk ding a nih.

DANIEL 1:4 Iomraidhean Croise

INṬANNA 41:46

Josef chu Aigupta lal Pharao hmaa a ngîr laiin kum sâwmthum mi a nih. Chun, Josef chu Pharao kuoma inthawk chu a suok a, Aigupta ram po po chu a fang suok ta a.

2 SAMUEL 14:25

Tuhin Israelhai po po lai Absalom ang hrima hmêl ṭhata inpâk hlaw tukhawm an um naw a, a ke lêra inthawka a lusîp chenin sawisêlna hrim hrim a um naw a.

THUVARHAI 22:29

Mi a sinthawa taimatak i hmu am? ama chu lalhai hmaah ngîr a tih. Mi hmusitumhai hmaa chun ngîr naw nih.

THUHRILTU 7:19

Varna chu mi var ta ding chun khawpuia rorêltu sâwm umhai nêk chun hrâtna a ni lem.

ISAI 36:11

Chun, Eliakim le Sebna le Joa hai chun Rabsake kuomah, “Kan hni che hi i siehlawhai hi Suria ṭawngin mi be ta rawh, chu chu kan hriet thei si a; kul bang chunga mihai na hrietah Juda ṭawngin mi be ta naw raw khai,” an ti a.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, Lalpa chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

DANIEL 2:10

Kaldai mihai chun lal chu an dawn a, “Hnuoi chung hrim hrima hin lal chungchâng thu hi ân entir thei ding tukhawm an um nawh: chuleichun, lal khawmin, laltak khawmin, rorêltu khawmin hieng ang thil hi mitvaidawithiemhai amanih, aisânthiemhai amanih, Kaldai mihai kuoma mani khawm an indawn ngai hrim hrim nawh.

DANIEL 2:2

Chun, lal chun a manghai chu hrilfie dingin mitvaidawithiemhai, aisânthiemhai, dawithiemhai le Kaldai mihai chu ko dingin thu a pêk ta a. Chuongchun, anni chu an hung lût a, lal hmaa chun an ngîr ta a.

DANIEL 3:8

Chuongchun, chu lai chun, Kaldai mi ṭhenkhat an hung hnai a, Juda mi- hai chungah hêkna an hung siem ta a.

DANIEL 4:7

Chun, mitvaidawithiemhai, aisânthiemhai, Kaldai mihai le vânghriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei naw a.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

DANIEL 5:7

Chun, aisânthiemhai, Kaldai mihai le vânghriltuhai chu hung ṭhuoi dingin lal chu inringtakin a khêk ta a. Lal chun Babulona mi varhai kuoma chun, “Tukhawm hi lekhaziek hi tiem a, a umzie mîn entir thei taphawt chu puon senduk insiltirin a rînga chun rângkachak khaidiet inhlitir nîng a ta, hi ram rorêltu pathumna chu ni bawk a tih,” a ta.

DANIEL 9:1

Kaldai mihai rama lala siema um, Media chi Ahasuera naupa Daria kum khat kum;

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

THILTHAWHAI 7:20

Chu lai chun, Mosie a hung pieng a, a hmêl a ṭha bêk bêk a, a pa inah thla thum an châwm a.

THILTHAWHAI 7:22

“Chun, Mosie chu Aigupta mihai varna po po an inchûktir a, a thu le a thilthawah a ropui bêk bêk a.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

RORELTUHAI 8:18

Chun, Zeba le Zalmunna kuoma chun, “Tabor tlânga in mi thathai kha mi ieng ang am an ni a?” a ti a. Anni chun, “Nanga ang ang hi an nih, lal nau hawina an nei seng el,” an ti a.