3 JOHAN 1:12 - Pathien Lekhabu Inthieng (BSI)

¹² Demetri chun mi po po inpâk a hlaw a, thutaka inpâk ngei a hlaw bawk a; anih, keini khawmin kan inpâk a nih; kan inpâkna hi ân dik a nih ti i hriet.

3 JOHAN 1:12 Iomraidhean Croise

JOHAN 19:35

A hmutu chun ân hriettir tah (a thu inhriettir chu ân dik a nih, a hril indik ti khawm a hriet,) nangni khawmin in ringna dingin.

JOHAN 21:24

Chu inchûktir chu hieng thu ziektu le inhriettirtu hi a nih; a thu inhriettir hi indiktak a nih ti ei hriet.

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 22:12

“Chun, mi pakhat, Anania, Dân kawnga Pathien ngaisak le chutaka Juda umhai po po kuoma hming ṭha chu,

THILTHAWHAI 6:3

Chuongchun, unauhai, nangni laia varna le Thlaraua sip mi hming ṭha ruok pasari thlang ro; anni chu hieng thil rêltu ding hin siem ei tih.

1 THESSALONIKA 4:12

Chuongchun, puo tienga mihai chungah mawitakin um thei in ta, iengkhawm tlasam naw ti niu.

1 TIMOTHE 3:7

Chuong naw khawm chu, puotienga mihai inpâkin a um bawk ding a nih; chuong naw chun, hrilsieta umin diebol chângah âwk rawi a tih.

1 SAMUEL 12:4

Anni chun, “I mi hlêm ngai naw a, i mi suknawmna ngai bawk naw a, tu kuta inthawk khawma lâk âwm lo chu i lâk ngai bawk nawh,” an ta.