3 JOHAN 1:11 - Pathien Lekhabu Inthieng (BSI)

¹¹ Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

3 JOHAN 1:11 Iomraidhean Croise

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

INPÂKNA HLABU 37:27

Suol fe san la, thil ṭha thaw rawh, Chuongchun, kumkhuoin chêng zing rawh.

FESUOKNA 23:2

Thil suol thaw dingin mipui chu i zui ding a ni naw a; indikna keikâwi dinga mi tamna tieng tienga ṭhangin thubuoiah hrietpuitu i ni ding a ni bawk nawh;

THUVARHAI 12:11

A hnuoi inlettu chun bei nei ṭeu a ta, Mi teplohai zuitu ruok chu hrietthiemna bo a nih.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 3:20

Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

1 KORINTH 11:1

Keiin Krista ka entawn angtak hin, nangni khawmin mi entawn ve ro.

1 KORINTH 4:16

Chuongchun, mîn chûk dingin ka ngên cheu a nih.

EPHESI 5:1

Chuongchun, a nau dittakhai angin Pathien umdân latuhai ni ro.

PHILIPPI 3:17

Unauhai, ka um dân inchûktuhai lo ni tâwl ro; chun, enkhi ding keini in mi nei a, chuong ang peia umhai chu en ṭha ro.

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

1 THESSALONIKA 2:14

Nangni unauhai, Judai rama Pathien kohran, Krista Isua umhai inchûktu in lo ni kha; anni chun Judahai laia an tuor angin nangni khawmin nangni rama mihai laia inthawkin in tuor ve bawk si a.

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

1 PETER 3:11

Suol nghatsanin, Thil ṭha thaw raw se; Inremna zawngin, Hnawt pei raw se.

1 PETER 3:13

Thil ṭha tienga ṭhahnem in ngai chun in pawi tâwk ding tu am um an ta?

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.