2 SAMUEL 7:2 - Pathien Lekhabu Inthieng (BSI)

² lal chun zâwlnei Nathan kuomah, “Hi, kei chu sidar thing inah ka um a, Pathien bâwm ruok chu puon in elah a um a,” a ti a.

2 SAMUEL 7:2 Iomraidhean Croise

2 SAMUEL 11:11

Uria chun David kuomah, “Pathien bâwm le Israelhai le Judahai chu bûkah an um a, chun, ka pu Joab le ka pu mihai chu ramhnuoiah an inkul bawk a; kei ka ina fein fain dâwnin, ka nuhmei kuomah ka zâl bîk ding maw? I hringna le i thlarau hringna sâlin ka hril a nih, chu chu thaw naw tawp ka tih,” a ta.

2 SAMUEL 12:1

Chun, Lalpa chun David kuoma chun Nathan a tir a. A kuoma chun a fe a, “Khaw pakhata hin mi pahni an um a, pakhat chu mi hausa a na, pakhat chu mi pasie a nih.

2 SAMUEL 5:11

Chun, Tura lal Hiram chun David kuomah mi a tir a, sidar thinghai a thawn a, themthiemhai le lung suttuhai a tir bawk a, David ta ding chun in an bâwlpêk a.

2 SAMUEL 6:17

Chuongchun, Lalpa bâwm chu an lâk lût a, a siena dinga Davidin a zar, puon in sûnga a hmun dinga chun an sie ta a; chun, David chun pumrawhmang thilinhlân le inremna thilinhlân chu Lalpa hmaa chun ân hlân a.

2 SAMUEL 7:17

Chuong thu po po ang le, chu inlârna ang chie chun Nathanin David kuoma chun a hril a.

1 LALHAI 1:22

Chun, chuonga lal kuoma thu a la hril zing lai chun zâwlnei, Nathan chu a va lût ve a;

1 LALHAI 1:8

Thiempu Zadok hai, Jehoiada naupa Benaia hai, zâwlnei Nathan hai, Simei hai, Rei hai le David mi huoisenhai ruok chu Adonija tieng an ṭhang ve naw a.

1 LALHAI 4:5

Nathan naupa Azaria chu hotuhai chunga mi a na; Nathan naupa Zabud chu thiempu le lal ruolpa a na,

1 LALHAI 8:17

Ka pa David khan Israelhai Pathien, Lalpa hming ta dinga in bâwl a lungrilin a lo tum hlak a.

1 CHANCHIN SUINA 14:1

Chun, Tura lal Hiram chun David kuomah mihai a tir a, sidar thing dâm, lung sut mihai dâm, thing rem mihai dâm a in bâwl dingin a tir bawk a.

1 CHANCHIN SUINA 16:1

Chun, Pathien bâwm chu an hung lâk lût a, Davidin a lo siem puon in lailung laitaka chun an inṭhut ta a; chun, Pathien hmaah pumrawhmang thilinhlânhai le inremna thilinhlânhai an inhlân ta a.

1 CHANCHIN SUINA 22:7

David chun Solomon kuomah, “Ka naupa, keia ta ding chun ka Pathien Lalpa hming ta dinga in bâwl chu ka lungrilah a um a.

1 CHANCHIN SUINA 29:29

Chuongchun, lal David thilthawhai, a hmasa le a nuhnung khawm, zâwlnei Samuel chanchinbua chun ziekin a um a, zâwlnei Nathan chanchinbua le, zâwlnei Gad chanchinbua khawm chun ziek a nih;

2 CHANCHIN SUINA 1:4

Nisienlakhawm, Pathien bâwm chu David chun Kiriath-jearima inthawk khan a hung lâk a, Davidin a siena dinga a buotsai hmuna khan a lo sie ta a; Jerusalema khan, chu hmun ding chun puon in a lo zâr ta si a.

2 CHANCHIN SUINA 29:25

Chun, zâwlnei Nathan hai, lal zâwlnei Gad hai le David thupêk ang tak khan Levi mihai chu Lalpa ina chun dârbenthekhai leh, perkhuonghai leh, ṭingṭanghai leh ân umtir a; thupêkhai chu a zâwlneihai hmanga Lalpa pêk a ni si a.

2 CHANCHIN SUINA 9:29

Solomon thilthaw danghai, a hmasa le tâwpna chenin zâwlnei Nathan ziek chanchin bua le, Silon mi Ahija hrillâwknaa le, Nebat naupa Jeroboam chungthua zâwlnei Iddo thil hmulâwkahai chun ziek a ni naw am a nih?

INPÂKNA HLABU 132:2

Lalpa kuoma ṭawng inkhâma, Jakob Mi Hrât kuoma thu a tiemzie kha:

INPÂKNA HLABU 132:5

Lalpa hmun ding ka zawng suok hmakhat chun, Jakob Mi Hrât umna ding chu,” tiin.

FESUOKNA 40:21

chun, Thuthlung bâwm chu biekbûk sûnga chun a hung lâk lût a; pindanna puonzârhai chu a khai a, Thuthlung bâwm chu a zarhlie a, Lalpain Mosie thu a pêk ang tak chun.

HAGGAI 1:4

“Hi in hi hienga se zing siin, nangni ta dingin in, inchungthuo inhaia chun chêng zing a hun ta am a nih?”tiin.

JOHAN 2:17

Chun, a inchûktirhai chun, “I ina ka ṭhahnemngainân mi fa zo a tih” ti ziek a nih ti an hriet nâwk ta a.

THILTHAWHAI 7:46

Chu David chu Pathien mithmuin ditsak tlâkin a um a, Jakob Pathien ta dinga umna ding siempêk a hni a.