2 SAMUEL 5:2 - Pathien Lekhabu Inthieng (BSI)

² Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, Lalpa chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a ti kha,” an ta.

2 SAMUEL 5:2 Iomraidhean Croise

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

2 SAMUEL 6:21

David chun Mikal kuoma chun, “I pa le a sûnghai po po aiah mi thlang a, Lalpa mi Israelhai chunga lal dinga mi ruottu Lalpa hmaah i sawnnaw, Lalpa hmaa chu lâm âwm hrim ka nih.

2 SAMUEL 7:7

Israel mipui lai po poah, ka fena taphawtahai khawm, ka mi Israelhai châwm dinga thu ka ipêk rorêltuhai kuomah, Iengdinga sidar thinga in i mi bâwlpêk naw am a na,’ tiin ka hril hlak am a nih?

2 SAMUEL 7:8

Chuleiin, ka siehlaw David kuomah, Sipaihai Lalpa chun hieng ang hin a ti a nih, ‘berâm tlatna hmuna inthawka i berâm vêng lai chun ka mi Israelhai chunga hotu dingin ka lâk che a;

2 LALHAI 20:5

“Kîr nâwk la, ka mihai hotu Hezekia kuomah hril rawh, ‘Lalpa, i pu David Pathien chun hieng ang hin a tih: I ṭawngṭaina kha ka hriet a, i mitthli tla khawm ka hmu a, ngai ta, sukdam ka ti che a, ni thum nia chun Lalpa inah hang fêng i tih.

1 CHANCHIN SUINA 11:2

Kha hmaa Saula lal a ni lai khawm khan, nangin i mi keihruoi a, Israel rama hin i mi hung lûtpui a na, Lalpa i Pathien chun i kuomah, ‘Ka mi Israelhai chu châwm i ta, ka mi Israelhai chunga chun lal nîng i tih,’ a ti kha,” an ta.

2 CHANCHIN SUINA 1:10

Hi mipuihai hmaa hin ka lûta ka suok theina dingin tuhin varna le hrietthiem theina nangin mi pe la; chuong naw chun, hi i mihai hieng zât lâwm lâwm hi tuin am ro rêlpêk thei an ta?” a ta.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

MIKA 5:4

Ama chu ngîr a ta, Lalpa hrâtnain a ranruol chu châwm a tih: Lalpa a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni si a.

NAMBAR 27:17

Lalpa mi pungkhâwmhai chu vêngtu nei lo berâm anga an um nawna dingin an hmaa suok le lût a, anni ṭhuoi suoka ṭhuoi lûttu dingin,” tiin.

MATTHAI 2:6

‘Chun, nang Juda rama Bethlehem, Juda khawpuihai laiah i chîn tak naw tawp; I sûnga inthawkin awptu a hung suok ding a ni si a, Ka mi Israelhai vêngtu ding chu,’ ti hi,” an ta.

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

1 SAMUEL 13:14

Nisienlakhawm, tuhin în lalna chu tâwp tâng a tih; Lalpain thu a pêk che i zâwm naw leiin Lalpa chun ama lungril ang put mi a zawng a, mihai chunga hotu ni dingin Lalpain a ruot tah a nih,” a ta.

1 SAMUEL 16:1

Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 18:13

Chuleiin, Saula chun a kuoma inthawkin ân sawntir a, sâng chunga sipai hotuah a siem a, chun, mipuihai lai chun a lûtin a suok hlak.

1 SAMUEL 18:16

Nisienlakhawm, Israelhai le Judahai po po chun David chu an ngaina êm êm a, anni laia lûta suok hlak a ni si a.

1 SAMUEL 18:5

Chun, Saula chun a tirna taphawta chun David chu a fe hlak a, feltakin a châng pei a; chun, Saula chun râl kâp mihai hotu dingin a siem a, chu chu mi po po ngaia le Saula siehlawhai ngaia khawm a ṭha êm êm a.

1 SAMUEL 25:28

Ka hni che a nih, i siehlawnu suolna hi ngaidam rawh, Lalpa chun ka pu hi sûngkuo nghettakah indin ngei ngei a ta, ka pu hi Lalpa indonahai do a ni si a; i dam sûng po po chun nangmaa chun suolna hrim hrim hmu ding um naw nih.

1 SAMUEL 25:30

Chun, Lalpain i chungchâng thua thil ṭha tiem ang po ka pu chunga hin a thaw phaa Israelhai lala a siem pha che chun,

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.