2 SAMUEL 2:7 - Pathien Lekhabu Inthieng (BSI)

⁷ Chuongchun, in kuthai chu hung hrât sienla, huoitakin um ro, in lalpa Saula chu a thi ta si a; chun, Juda chihai chun an chunga lal dingin hriek an mi nâl ta bawk a,” a ta.

2 SAMUEL 2:7 Iomraidhean Croise

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

2 SAMUEL 10:12

Huoitakin um unla, ei mihai le ei Pathien khuohai sanin insuk pasal ei tiu; chun, Lalpa chun ṭha a ti ang peiin thaw raw se,” a ta.

2 SAMUEL 2:6

Chuongchun, Lalpa chun in chungah zainêmna le thutak inlangtir sienla, hieng thil in thaw lei hin kei khawma in lunginsietna man chu thung ka ti cheu.

2 SAMUEL 2:8

Chun, Nera naupa Abner, Saula sipai hotu chun Saula naupa Isboseth chu Mahanaimah a ṭhuoi a,

2 SAMUEL 5:3

Chuongchun, Israel upahai po po chu Hebrona chun lal kuomah an va fe a; chun, lal David chun Hebrona chun Lalpa hmaah an kuomah thu a thlung a, chun, David chu Israelhai chunga lal dingin hriek an nâl a.

2 LALHAI 11:12

Chuongchun, lal naupa chu a hung ṭhuoi suok a, lallukhum ân khumtir a, inhriettirna thu chu a pêk a, lalah an siem a, hriek an nâl a; chun, an kut an ben a, “Pathienin laltak humhim raw se,” an ta.

NEHEMIA 2:18

Chun, ka Pathienin a mi ditsak thuhai dâm chu ka hril a, ka kuoma lal thuhrilhai le chun. Anni chun, “Tho ei ta, inngîr takluong ei tiu khai,” an ti a. Chuongchun, chu sin ṭha thaw ding chun an kut an sukhrât a.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

1 SAMUEL 31:12

mi huoisenhai po po chu an tho a, zânkhawvârin an fe a, Saula ruong le a naupasalhai ruong Beth-san kul banga inthawk chun an lâk a; chun, Jabes an hung tlung a; chutaka chun an raw a.

1 SAMUEL 31:7

Chun, ruom râl khingtienga Israel mi umhai le Jordan râla umhaiin Israel mihai an tlânsie ti le Saula le a naupasalhai an thi ti an hriet chun, khuohai chu an suoksan a, an tlânhmang ta a; chun, Philistin mihai chun an va hluo ta a.

1 SAMUEL 4:9

Aw, nangni Philistin mihai, in siehlawa an um ang khan Hebraihai siehlawah in um nawna dingin hrâttakin um unla, insukpasal ro khai, insukpasal unla thaw pei ro,” an ta.