2 SAMUEL 2:5 - Pathien Lekhabu Inthieng (BSI)

⁵ Chuongchun, Jabes-gilead mihai kuoma chun David chun mi a tir a, an kuomah, “In lalpa Saula chu hi lunginsietna hi suklangin ama chu in lo phûm ta leiin Lalpa chun malsâwm raw se cheu.

2 SAMUEL 2:5 Iomraidhean Croise

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INṬANNA 14:22

Abram chun Sodom lal kuoma chun, “Hnuoi le vân neitu Lalpa Pathien Chunghnungtak tieng chun ka bân ka phar tah a nih;

2 SAMUEL 15:20

Zâni ela hung i na, vawisûn hin a suk a tunga mi zui dingin ka ti ve ding che am a nih? Ka fe theina naah ka fe ding a na, nang chu kîr nâwk la, i unauhai po po hi ṭhuoi kîr rawh, lunginsietna le thutak i kuomah um raw se,” a ta.

2 SAMUEL 21:12

Chun, David chu a fe a, Philistin mihaiin Gilboaa Saula an that nia Philistin mihaiin Beth-san muol laia an khai inrutu, Jabes- Gilead mihai kuoma inthawkin Saula ru le a naupa Jonathan ruhai chu a lâk a.

INPÂKNA HLABU 115:15

Lalpa chun mal sâwm raw se cheu, Ama chu hnuoi le vân siemtu a nih.

JOSUA 2:14

Mihai chun amanu kuoma chun, “Kan thilthaw hi i hril suok naw ding chun in thi ai thîng kan tih. Lalpain ram hi a mi pêk pha chun lunginsiet chein, i chungah ringumtakin thâwng kan tih,” an ta.

RORELTUHAI 21:8

Chun, anni chun, “Israel pahnam laia mi a tu hnam tak am a na Mizpaa Lalpa hmaa hang inlang ve naw hi?” an ti a. Chun, pungkhâwmhai umnaa chun Jabes-gilead mi chu pakhat khawm an hung ve nawh ti an hmu ta a.

RUTH 1:8

Chun, Naomi chun a mohai pahni kuoma chun, “Fe unla, in nuhai in ve veah kîr nâwk el ta ro; mithihai chunga le ka chunga in thaw ang tak hin, Lalpain in chungah ngilneitakin thaw ve raw se.

RUTH 2:20

Ama chun tu kuom am sin a va thaw ti a tarpinu chu a hril a, “Vawisûna sin ka va thawnapa hming chu Boaz a nih,” tiin. Chun, Naomiin a monu kuoma chun, “Lalpa, a lunginsietnaa mi dam le mithi thlathlam ngainawtu chun, ama chu malsâwm raw se,” a ti a. Naomi bawk chun a kuomah, “Ama chu ei inhnaipui, ei laibung bul a nih,” a ti a.

RUTH 3:10

Ama chun, ka naunu Lalpain malsâwm raw se che; tlangvâl pasie amanih hausa i zui nawa hin a hmasaa nêk hmanin hi hnunga mia hin ṭhatna i suklang nasa ta lem a nih.

1 SAMUEL 11:1

Chuongchun, Ammon mi Nahas chu a hung inthawk a, Jabes-Gilead thaw tumin a hang ep a; chun, Jabes mihai po po chun Nahas kuoma chun, “Kan kuomah thu thlung la, chuongchun, i rawng bâwl kan tih,” an ta.

1 SAMUEL 11:9

Chun, an mi hung tirhai kuoma chun, “Jabes-Gilead mihai kuoma chun, ‘Zîngah nisa lum vânglai tak hmain sansuok nîng in tih,’ va ti ro,” an ta. Chun, an mi tirhai chu an va fe a, Jabes mihai chu an va hril a: chuongchun, an lâwm ta êm êm a.

1 SAMUEL 15:13

Chun, Samuel chu Saula kuom tieng chun a fe ta a; chun, Saula chun a kuomah, “Lalpain malsâwm raw se che, Lalpa thupêk ang chun ka thaw tah,” a ta.

1 SAMUEL 23:21

Chun, Saula chun, “Lalpa chun malsâwm raw se cheu; nangni chun chu in mi lunginsiet hle a ni hi.

1 SAMUEL 24:19

Mîn a hmêlma hmu ang sienla, tlangtakin ân suo nuom ding am a nih? Chuleiin, vawisûna ka chunga i thilthawa hin Lalpain thil ṭhain thung raw se che.