2 SAMUEL 2:4 - Pathien Lekhabu Inthieng (BSI)

⁴ Chun, Juda rama mihai an va fe a, Juda mihai chunga lal dingin David chu hriek an nâl ta a. Chun, “Saula phûmtuhai chu Jabes-gilead mihai an nih,” tiin David chu an hril a.

2 SAMUEL 2:4 Iomraidhean Croise

2 SAMUEL 19:11

Chuongchun, lal David chun thiempu Zadok le Abiathar kuoma chun, “Juda upahai kuoma chun, ‘Iengdinga lal chu a in tienga ṭhuoi kîr ding thuah a nuhnungtaka ṭhang am in ni a? Israel mihaiin lal ṭhuoi kîr ding thu an hril chu lal kuom a tlung ta si a.

2 SAMUEL 19:42

Chun, Juda mi po pohai chun Israel mihai chu an dawn a, “Lal chu keini tieng hnai a ni lei a nih, iengdinga hi thua hin in lunginsen el am? Lal nei ringa um am kan nih? Thilpêk ieng amani khawm a mi nei am a nih?” an ta.

2 SAMUEL 2:11

Davidin Hebrona Juda chihai chunga ro a rêlna chu kum sari le thla ruk a ni ta a.

2 SAMUEL 2:7

Chuongchun, in kuthai chu hung hrât sienla, huoitakin um ro, in lalpa Saula chu a thi ta si a; chun, Juda chihai chun an chunga lal dingin hriek an mi nâl ta bawk a,” a ta.

2 SAMUEL 21:11

Chun, Aia naunu Saula thaikêm Rizpa thilthaw chu David chu an hril a.

2 SAMUEL 21:12

Chun, David chu a fe a, Philistin mihaiin Gilboaa Saula an that nia Philistin mihaiin Beth-san muol laia an khai inrutu, Jabes- Gilead mihai kuoma inthawkin Saula ru le a naupa Jonathan ruhai chu a lâk a.

2 SAMUEL 5:17

Philistin mihai chun David chu Israelhaiin lala um dingin hriek an nâl ti an hrietin Philistin mihai po po chu David zawng ding chun an hang fe ta a; David chun chu chu a lo hrietin a kulbînga chun a fe a.

2 SAMUEL 5:3

Chuongchun, Israel upahai po po chu Hebrona chun lal kuomah an va fe a; chun, lal David chun Hebrona chun Lalpa hmaah an kuomah thu a thlung a, chun, David chu Israelhai chunga lal dingin hriek an nâl a.

2 SAMUEL 5:5

Hebrona chun Judahai chungah kum sari le thla ruk ân lal a; chun, Jerusalemah Israelhai le Judahai po po chungah kum sâwmthum le kum thum ân lal bawk a.

2 LALHAI 11:12

Chuongchun, lal naupa chu a hung ṭhuoi suok a, lallukhum ân khumtir a, inhriettirna thu chu a pêk a, lalah an siem a, hriek an nâl a; chun, an kut an ben a, “Pathienin laltak humhim raw se,” an ta.

1 CHANCHIN SUINA 10:11

Chun, Jabes-gilead mihai po po chun Saula chunga Philistin mihai thilthaw po po chu an hrietin,

1 CHANCHIN SUINA 11:3

Chuongchun, Israel upahai po po chu Hebronah lal kuoma chun an hung a, David chun Lalpa hmaah Hebrona chun anni le chun thuthlung a siem ta a; Samuel kuta Lalpa thu ang peiin David chu Israel lal ni dingin hriek an nâl ta a.

1 CHANCHIN SUINA 12:23

Hienghi Lalpa thu ang pei a, Saula ram chu ama kuoma pe dinga Hebrona David kuoma, indo dinga inthuom saa hunghai hotuhai nizât chu a nih.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, Lalpa thlarau chu nasatakin chu nia inthawk chun David chunga chun a hung tlung ta a. Chuongchun, Samuel chu a tho a, Rama khuoah a fe ta a.