2 SAMUEL 17:3 - Pathien Lekhabu Inthieng (BSI)

³ chun, mipuihai chu i kuomah hung ṭhuoi kîr vawng ka ta, i mi zawng chu mi po po hung kîr tluk a nih; chuongchun, mi po po inremin um tâng an tih,” a ta.

2 SAMUEL 17:3 Iomraidhean Croise

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

ISAI 57:21

Ka Pathien chun, “Mi rilohai ta ding chun lungmuongna hrim hrim a um nawh,” a tih.

ISAI 48:22

Lalpa chun, “Mi rilohai ta ding chun muongna hrim hrim a um nawh,” a tih.

2 SAMUEL 3:21

Abner chun David kuoma chun, “Tho ka ta, i kuoma thu an thlung theina ding le, i duthusâm angtaka ro i rêl theina dingin Israel mi po pohai ka lalpa kuoma hin hung kei khâwm dingin fêng ka tih,” a ta. Chun, David chun Abner chu ân fetir a, chuongchun, lungmuongtak chun a fe ta a.

2 SAMUEL 17:4

Chuongchun, chu thu chun Absalom le Israel upahai po po chu a suklâwm ta hle a.

JEREMIA 6:14

Thlamuongna chu a um naw sa khawma, “Thlamuongna, thlamuongna,” tiin, ka mihai insuknatnahai khawm chu an sukdam met chau a.