2 SAMUEL 11:7 - Pathien Lekhabu Inthieng (BSI)

⁷ Chun, Uriain a kuom a hang tlung chun, Joab le mihai chu ieng am an chang a, indonahai ieng am an chang ti ân dawn a.

2 SAMUEL 11:7 Iomraidhean Croise

INṬANNA 29:6

Ama chun an kuomah, “A dam lai a ni?” a ti a. Anni chun, “A dam lai a ni ie, en ta, a naunu Rakil khawm berâm ṭhuoiin a hung saw,” an ti a.

INṬANNA 37:14

A pa chun a kuomah, “I uhai an dam am, ran ruol khawm an dam am va en la, an chanchin mi hung hril nâwk raw aw,” a ti a. Chuongchun, Hebron ruoma inthawk chun a tir suok a; ama chun Sekem chu a va tlung ta a.

2 SAMUEL 11:6

Chun, David chun Joab kuomah, “Hit mi Uria chu ka kuomah inhungtir rawh,” tiin ân cha a. Chun, Joab chun Uria chu David kuomah ân fetir a.

FESUOKNA 18:7

Mosie chu a tarpupa tuok ding chun a fe suok a, inza taka chibai bûkin ama a fâwp ta a; chun, an chanchin an indawntuo an indawntuo a, puon ina chun an lût ta a.

1 SAMUEL 17:22

Chun, David chun a thuomhnaw chu thuomhnaw enkawltu kuoma chun a sie a, indona hmun tieng chun a va tlân a; a uhai chu chibai a va bûk a.