2 SAMUEL 11:1 - Pathien Lekhabu Inthieng (BSI)

¹ Chun, kum dâm a hung invawi a, lalhai indo dinga an suok hlak lai chun, Davidin Joab chu a tir a, a mihai le Israel mihai po po leh; chun, Ammon mihai chu an sukbohmang a, Rabba khuo an inhuol a, David ruok chu Jerusalemah a um a.

2 SAMUEL 11:1 Iomraidhean Croise

2 SAMUEL 10:14

Chun, Ammon mihai chun Suria mihai an tlânsie ti an hriet chun anni khawm chu Abisai hmaa chun an tlânse ve ta a; khuoa chun an lût a. Chun, Joab chun Ammon mihai chu a kîrsan a, Jerusalemah a fe ta a.

1 LALHAI 20:22

Chun, zâwlnei chun Israel lal chu a va hnai a, a kuomah, “Insukhrât sau sau la, i thaw dân ding ngaituo raw khai, kum a hung invawi hin Suria lal chun a hung thaw nâwk ding che a nih,” a ta.

1 LALHAI 20:26

Chun, a kum nâwka chun Benhadad chun Suria mihai chu a kei khâwm a, Israelhai chu thaw dingin Aphek khuoa chun a hang fe a.

1 CHANCHIN SUINA 20:1

Chun, kum a hung invawi a, lalhai chu indonaa an fe hlakna huna chun, Joab chun sipai thilthawtheina chu hmangin Ammon mihai ram chu a suksiet a, a hung a, Rabba khawm chu a hung inhuol ta a. Amiruokchu, David chu Jerusalema khan a um a, Joab chun Rabba chu a hung rûn a, a hne ta a.

2 CHANCHIN SUINA 36:10

Chun, kum hung inlet nâwka chun Nebukadnezzar chun mi a tir a, ama chu Babulonah, Lalpa ina bûr le bêl ṭhahai le chun an hung ṭhuoi a, a unaupa Zedekia chu Juda le Jerusalem chunga chun lalah a siem ta a.

INPÂKNA HLABU 60:9

Khawpui dettaka chun tuin am mi ṭhuoi lût a ta? Edom rama chun tuin am mi ṭhuoi a ta?

THUHRILTU 3:8

Hmangai hun le theida hun a um a, Indo hun le inrem hun a um a;

JEREMIA 49:2

Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

JEREMIA 49:3

Aw Hesbon ṭap inrûm rawh, Ai chu suksiet a ni ta si a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni si a.

EZEKIEL 21:20

Ammon thlahai Rabba kuoma le inhumhimna Juda rama Jerusalema kâwlhnâm hungna dingin lampui ruot la;

AMOS 1:14

chuleiin, Rabba khaw kul chungah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.

DÂN PAHNINA 3:11

(Basan lal Og chau a nih, Repha mihai laia la um sun chu; a khum chu thîr a na, Ammon thlahai khuo Rabaa chun a la um zing a ni naw am a nih? Mihriem tawnga inkhiin a dungtieng tawng kuo, a khangtieng tawng li a nih.)

1 SAMUEL 18:30

Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.