2 JOHAN 1:9 - Pathien Lekhabu Inthieng (BSI)

⁹ Tûkhawm Krista inchûktirna thua um zing lova, fe khêl chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.

2 JOHAN 1:9 Iomraidhean Croise

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 15:6

Mi keimaah a um zing naw chun kâu anga peihâwnin a um a, a vuoi hlak; chun, an inkhâwm a, meiah an pei a, a kâng hlak.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 8:31

Chuongchun, Isûn a ringtu Judahai kuoma chun, “Ka thua in um zing chun, ka inchûktirhai ni taktak in tih;

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

TITA 2:10

kutkem hmang lo ding le, ringumna indik le ṭha po po suklang lemna dinga, Pathien ei Sandamtu inchûktirna thu chu iengkima an chawimawi theina dingin infui rawh.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

HEBRAIHAI 6:1

Chuongchun, Krista thu bul hril ta lovin puitling tieng pan ei tiu; lungphûm chu phûm nâwk ta lovin simna dâm, Pathien tienga ringna dâm,

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

3 JOHAN 1:9

Kohranhai kuoma khan thu tlâwmtê chu ka ziek tah; nisienlakhawm, Diotrepha, anni laia chunghnung nuom hlak khan, a mi lâwm si nawh.