2 JOHAN 1:7 - Pathien Lekhabu Inthieng (BSI)

⁷ Hlêmtu tamtak Isu Krista chu tisain a hung ti ṭan nawtuhai kha khawvêla hin an hung suok ta si a. Chuong ang mi chu an nih, hlêmtu le Krista kaltu chu.

2 JOHAN 1:7 Iomraidhean Croise

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 JOHAN 2:26

Chuong nangni ṭhuoi hmang tumtuhai thu chu, in kuomah ka ziek a nih.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.