1 SAMUEL 9:9 - Pathien Lekhabu Inthieng (BSI)

⁹ (Kha hma khan chu Israelhai lai khan miin Pathien an râwn nuom chun, “Hung rawh, hmutheitu kuomah fêng ei tih,” an ti hlak a; tulaia Zâwlnei an ti hlak hi, kha hma khan chu Hmutheitu an ti hlak a nih.)

1 SAMUEL 9:9 Iomraidhean Croise

INṬANNA 25:22

A nau vawnhai chu phîng sûnga chun an insuol a; ama chun, “Hieng ang hi a ni si chun iengdinga ka dam zing am a na?” tiin Lalpa indawn dingin a fe ta a.

2 SAMUEL 24:11

Chun, zîngkâra David a hang tho chun David zâwlnei, zâwlnei Gad kuomah Lalpa thu a hung tlung a,

2 LALHAI 17:13

Lalpa chun, “Dân zâwm ding in pi le puhai ka pêk le ka siehlaw zâwlneihai hmanga kân hriettir ang pei cheu chun, in umdân suol hi nghatsan unla, ka thupêkhai le ka thuruothai chu pawm ro,” tiin Israelhai le Judahai chu zâwlnei tin le hmutheitu tinhai chu hmangin ân hriettir hlak a.

1 CHANCHIN SUINA 21:9

Chun, Lalpa chun David zâwlnei Gad kuoma chun, “Fe la, David kuoma chun hieng hin va hril rawh.

1 CHANCHIN SUINA 26:28

Chuong zâwlnei Samuel hai, Kis naupa Saula hai, Nera naupa Abner hai, Zeruia naupa Joab haiin an hlânthienghai le, mi tukhawma thil an hung pêkhai chu Selomoth le a unauhai kuta chun a um vawng a.

1 CHANCHIN SUINA 29:29

Chuongchun, lal David thilthawhai, a hmasa le a nuhnung khawm, zâwlnei Samuel chanchinbua chun ziekin a um a, zâwlnei Nathan chanchinbua le, zâwlnei Gad chanchinbua khawm chun ziek a nih;

1 CHANCHIN SUINA 9:22

Chun, hienghai po po dai kawtkhâra vêngtuhai ni dinga thlanghai po po chu za hni le sâwm pahni an nih. Hienghai hi an khuohaia an thla thu suidân ang peia tiem an na, David le zâwlnei Samuelin an rawngbâwlna ruot ang peia an lo namdethai chu an nih.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum ta a; hi thil lei hin ama chunga chun a lunginsen si a. Chun, Asa chun chuong lai chun mi ṭhenkhathai chu a lo nêksawr hle bawk a.

2 CHANCHIN SUINA 16:7

Chu hun lai chun zâwlnei Hanani chu Juda ram lal Asa kuoma chun a hung a, a kuomah, “ Lalpa i Pathien chu ring lovin Suria lal chu i ring a, chuleiin, Suria lal sipaihai chu i kuta chun an suokthleng ding a nih.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 30:10

hmutheituhai kuomah, “Hmu naw ro,” zâwlneihai kuomah, “Thil indikhai mi hrillâwk ro, thil inhawi tieng kan kuomah hril ro, hlêmna thu hrillâwk naw ro;

AMOS 7:12

Chun, Amazia chun Amos kuomah, “Aw nang zâwlnei, fe la, Juda ramah tlân hmang la, chutaka chun bu fa la, thu hril rawh;

1 KORINTH 12:17

Taksa pumpui hi mit ni vawng ta sienla, ri hrietna chu khâwlai am ni tâng a ti leh? A pumin ri hrietna ni vawng ta sienla, rim hriet theina chu khâwlai am ni tâng a ti leh?

RORELTUHAI 1:1

Josua thi hnung chun Israel thlahaiin, “Keini ta dinga Kanaan mihai chu thawa do dingin tu am hang fe hmasa phawt a ta le?” tiin Lalpa chu an râwn a.

RORELTUHAI 18:5

Chun, anni chun a kuomah, “Kan fena dinga hin kan tluongtlung ding le ding naw Pathien mi râwnpêk raw khai,” an ti a.

1 SAMUEL 9:10

Chun, Saula chun a siehlaw kuoma chun, “A ṭha hlau chu, fe ta nâwm ei nîm”, a ta. Chuongchun, Pathien mi umna khuoa chun an fe ta a.