1 SAMUEL 9:5 - Pathien Lekhabu Inthieng (BSI)

⁵ Zuph ram an tlung chun, Saula chun a kuoma um ve, a siehlaw kuoma chun, “Hung rawh, kîr nâwk el tâng ei tih, chuong naw chun, ka pa khan sabengtunghai ngaituo ṭhulin eini mi ngaituo lem a tih,” a ta.

1 SAMUEL 9:5 Iomraidhean Croise

MATTHAI 6:25

“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

MATTHAI 6:28

Chun, silfên thuah iengdinga in lungkham am a na? Ram tûktinpâr inṭhangzie hi ṭha takin ngaituo ro; sin an thaw nawh, pat khawm an kher bawk nawh;

MATTHAI 6:34

Chuongchun, a zînga dingin lungkham naw ro, a zîng chun ama ding chu a lungkham fâwm ding a ni si a. Ni khat dingin ni khat rimsik a hun a nih.

LUKA 12:11

“Chun, inkhâwmna ina mihai, lalhai, hotuhai hmaa an ṭhuoi pha cheu chun, ‘Iengtin am, ieng thuin am dawn ka ta, ieng thu am hril ka ta,’ tiin lungkham naw ro,

LUKA 12:22

Chun, a inchûktirhai kuomah, “Chuleiin, ka hril cheu hi, ‘Ieng am fâng ka ta aw?’ tiin in hringna thu le, ‘Ieng am silin bil ka ta aw?’ tiin in taksa thu lungkham naw ro.

1 SAMUEL 1:1

Ephraim tlâng rama Ramathaim-zophim khuoa chun mi pakhat a um a, a hming chu Elkana a nih; ama chu Jeroham naupa a na, ama chu Elihu naupa a na, ama chu Tohu naupa a na, ama chu Ephraim mi Zuph naupa a nih.

1 SAMUEL 10:2

Vawisûn hin i mi fesan hnungin, Zelzaah Benjamin ramria Rakil thlân kâwlah mi pahni intuokpui i ta; chun, anni chun i kuomah, Sabengtung i zawnghai kha an hmu ta ie; chun, ngai ta, i pa chun sabengtung chu a ngaituo ta naw a, nangma mawl a ngaituo a, ‘Ka naupa chu iengtin am ka thaw ding a ni ta leh aw, a ti a ti el a,’ tîng an ta.