1 SAMUEL 8:7 - Pathien Lekhabu Inthieng (BSI)

⁷ Lalpa chun Samuel kuoma chun, “Mipuihaiin i kuoma an hril po po chu ngai rawh, nang dit naw che an ni naw a; an chunga lal dinga kei mi dit lo an ni lem.

1 SAMUEL 8:7 Iomraidhean Croise

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

ISAI 66:4

Ka ko lai khan tukhawma an mi dawn naw a, thu ka hril lai khan nain an hriet naw a, ka mithmua thil suol chu an thaw lem a, ka thil lâwm naw zâwng chu an thlang leiin kei khawmin anni hlêmna ding chu thlangpêk ka ta, an ṭi zâwnghai chu an chungah intlungtir ka tih,” tiin.

JEREMIA 34:14

‘Mi tinin a unaupa Hebrai mi nia, ama kuoma zawra lo um amanih, ama chu kum ruk sûng rawng lo bâwlpêk ta chu, kum sari tâwpa chun infetir in ta, nangmaa inthawk chun a thlâwnin în fetir ding a nih,’ tiin, nisienlakhawm, in thlatuhai chun an mi ngai naw a, an na khawm an sit nawh.

EZEKIEL 2:3

Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

EZEKIEL 3:7

Amiruokchu, Israel sûngkuohai chun i thu ngai naw ni hai a, keia thu an ngai naw ding leiin; Israel sûngkuohai po po chu chal changtak, lungril ngartak ruok an ni leiin.

NAMBAR 22:20

Chun, zâna chun Pathien chu Balaam kuoma chun a hung a, a kuomah, “Hieng mihai hi nanga koa hung an ni chun tho la, anni zui rawh, amiruokchu, i kuoma ka hril chau che hi i thaw ding a nih,” a ta.

MATTHAI 10:40

“Tukhawm a lâwm cheu chu a mi lâwm a na, tukhawm a mi lâwm chu, a mi tirtu lâwm a nih.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

LUKA 19:14

Nisienlakhawm, a khuohaiin an theida a, ‘Hi mipa hi kan lal dingin kan dit nawh,’ ti dingin a hnungah palai an intlântir ve a.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a ti a,” a ta.

JOHAN 13:16

Titakzetin, titakzetin ka hril cheu hi, suok a pu nêkin a ropui nawh; tirko khawm a tirtu nêkin a ropui bawk nawh.

RORELTUHAI 8:23

Gideon chun an kuomah, “Kei chun chu in chunga hin ro rêl naw ning ah, ka naupa hlakin in chungah ro rêl naw bawk a tih; Lalpain in chungah ro rêl lem a tih,” a ti a.

1 SAMUEL 10:19

Nisienlakhawm, vawisûn hin in lunginzîngna po po le in rinumna po poa sanhimtu cheu in Pathien ngei chu in dit naw a, a kuomah, A ni nawh, lal mi siempêk rawh’ in ti a. Chuleiin, tuhin a hnama hnam le a chia chiin Lalpa hmaah hung inlang ro,” a ta.

1 SAMUEL 12:1

Chun, Samuel chun Israel mi po pohai kuoma chun, “Ngai ta u, ka kuoma in thuhrilhai po poa chun in râwl ka ngai a, lal ding chu ka siempêk ta cheu a.

1 SAMUEL 12:12

Chun, Ammon thlahai lal Nahas chu nangni do dingin a hung ti in hriet phingleh ka kuomah, ‘A ni nawh ie, lalin ro mi rêlpêk raw se,’ in ti a, Lalpa Pathien chu in lal a ni zing si a.

1 SAMUEL 8:22

Chun, Lalpa chun Samuel kuomah, “An rawl chu ngai la, lal siempêk rawh,” a ta. Chun, Samuel chun Israel mihai kuomah, “Mi tin mâni khuo sengah fe ta ro,” a ta.

1 SAMUEL 8:8

Aigupta rama inthawka ka ṭhuoi suok nia tuta chena an thil thaw dân po po, an mi nghatsan a, pathien danghai rawng dâm an mi bâwlsan hlak ang bawk hin i chungah an thaw a ni hi.