1 SAMUEL 7:9 - Pathien Lekhabu Inthieng (BSI)

⁹ Chun, Samuel chun berâmte nêne ne lai a lâk a, pumrawhmang thilinhlân dingin Lalpa kuomah ân hlân a, Israel mihai ta dingin Samuel chun Lalpa chu a ko a; chun, Lalpa chun a hung dawn a.

1 SAMUEL 7:9 Iomraidhean Croise

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 99:6

A thiempuhai lai chun Mosie le Aron, A hming lamtuhai laia chun Samuel, Anni chun Lalpa chu an ko a, ama chun a dawn ta a.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

LEVI DÂN 22:27

“Bâwngchal amanih, berâm amanih, kêl amanih a hung piengin, a pui kuomah ni sari a um ding a nih; ni riet nia inthawka hnung tieng chun Lalpa kuoma mei hmanga thilinhlânah pawm thei nîng a tih.

DÂN PAHNINA 9:26

Chun, Lalpa kuoma chun ka ṭawngṭai a, ‘Aw Lalpa PATHIEN, i ropuinaa în tlan, kut hrâttaka Aiguptaa inthawka în tlansuok, i mihai le i rochanhai chu sukbohmang naw rawh.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

RORELTUHAI 6:26

chun, hi kul chunga hin kawngzâwng neitakin Lalpa i Pathien ta dingin maichâm siem la, bâwngchal pahnina chu la la, i phûr ding Asera thing chu hmangin pumrawhmang thilinhlân inhlân rawh,” a ti a.

RORELTUHAI 6:28

Khawpuia mihai chu zîngkâr inhmataka an hang tho chun, Baal maichâm sukchima lo um le, a bula Asera phûr thlûka lo um le, maichâm siem chunga bâwngchal pahnina inhlâna lo um chu an hmu a.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin Lalpa chu ko ka ta; chuongchun, lal in hni thua hin Lalpa mithmua thil in thaw suol hi a nasatzie hi hrein hmûng in tih,” a ta.

1 SAMUEL 16:2

Chun, Samuel chun, “Iengtin am fe thei ka ti leh? Saula chun a lo hriet chun mi sukhlum el a tih,” a ta. Chun, Lalpa chun, “Bâwngla ṭhuoi la, ‘Lalpa kuoma inthâwi dinga hung ka nih,’ ti el rawh.

1 SAMUEL 2:35

Chun, thiempu ringumtak ka ta dingin indin ṭha nâwk ka ta, ama chun chu ka lungril le ka lung tuokzâwngin thâwng a tih. Chun, sûngkuo dettakah inngîr ka ta, kumkhuoin ka hriek nâl hmaa chun um a tih.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun Lalpa ta dingin maichâm a siem a.

1 SAMUEL 9:12

Anni chun an dawn a, “Um e, in hmaa khan a hung a nih, inhmaw ro khai, vawisûn hin khuoah a hung a nih, vawisûn hin bâwlhmunahai mihai an inthâwi a nih,