1 SAMUEL 7:3 - Pathien Lekhabu Inthieng (BSI)

³ Chun, Samuel chun Israel sûnghai po po kuoma chun, “In lungril takzeta Lalpa tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu Lalpa ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.

1 SAMUEL 7:3 Iomraidhean Croise

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 8:48

an hmêlma sala ṭhuoituhai rama an lungril tak le an lungvar taka nanga tieng an hung ngha nâwk a, an puhai i pêk ram tieng le, i khawpui i thlang tieng le i hming dinga ka in bâwl tieng nghaa i kuoma an ṭawngṭai chun;

2 LALHAI 17:39

Lalpa in Pathien ruok chu in ṭi ding a nih; chuongchun, in hmêlmahai po po kuta inthawk chun sansuok ka ti cheu,” tiin.

2 LALHAI 23:15

Chu naw khawm chu Israelhai thil insuksuoltirtu Nebat naupa Jeroboamin Bethela maichâm le bâwlhmun a siem chu, chu maichâm le bâwlhmun chen khawm chun a sukchim bawk a; chuongchun, bâwlhmun chu a raw a, a sir nâwi dap a, Asera chu a raw ta a.

1 CHANCHIN SUINA 22:19

Tuhin, Lalpa in Pathien chu zawng dingin in lungril le in lungvar chu ama tieng ngha unla, tho unla, chuongchun, Lalpa Pathien hmun inthieng; Lalpa thuthlungna bâwm le, Pathien bûr le bêl inthienghai chu hung lâkna dingin, Lalpa hmingin in bâwl ro,” tiin.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 19:3

Amiruokchu, nangmaa hin thil ṭha hmusuok a ni ve bawk a, hi rama inthawka Asera chu sie hmang a, Pathien chu zawng dinga i lungril chu i siem ta leiin,” a ta.

2 CHANCHIN SUINA 20:33

Amiruokchu, bâwlhmunhai chu lâk hmang a ni naw a; mihai khawm chun an thlatuhai Pathien tienga chun an lungrilhai an lân nghat chie naw a.

2 CHANCHIN SUINA 30:19

hmun inthieng inthien dân anga, thieng lo khawm ni sienla, Pathien, a thlatuhai Pathien Lalpa chu zawng dinga a lungril a lo innghat ta phawt chu,” tiin.

THUVARHAI 16:1

Lungril siemrêlnahai chu mihriem ta a na, Leia dawnna ruok chu Lalpa kuoma inthawk a nih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 4:1

“Aw Israel, i hung kîr chun, Lalpa Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

EZEKIEL 14:6

Chuleiin, Israel sûngkuo kuoma chun hril la, ‘Lalpa Pathien chun hieng hin a tih; Hung kîr unla, in milimhaia inthawkin fe hmang ro; chuongchun, in tirdakumnahai po po chu nghatsan ro.

EZEKIEL 18:31

In bawsietnahai po po, in lo bawsiet tahai chu, nangnia inthawkin peihâwn unla, thlarau thar le lungril thar insiempêk unla, aw Israel sûngkuo, iengdingin am thîng in ta?

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

MATTHAI 15:8

‘Hi hairawi hin an bauin an mi chawimawi a, An lungril ruok chun an mi hlat si a.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 4:8

Chun, Isûn a kuomah, “ ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta, a dawn a.

JOHAN 4:24

Pathien chu Thlarau a nih; ama chibai bûktuhaiin thlarau le titaktakin chibai an bûk ding a nih,” a ta.

DÂN PAHNINA 10:20

Lalpa in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 13:4

Lalpa in Pathien chu zui in ta, ama chu ṭîng in ta, a rawng dâm bâwl in ta, ama chu in chel tlat ding a nih.

DÂN PAHNINA 4:29

Nisienla khawm, chutaka khawm chun Lalpa in Pathien chu in zawng a, in lungril po po le in lungvar po poa in zawng chun hmu nâwk in tih.

DÂN PAHNINA 6:13

Lalpa in Pathien chu in ṭi ding a na, ama rawng chu bâwl in ta, a hming chau sâlin ṭawng in inkhâm ding a nih.

JOSUA 13:31

Gilead ram zâtve le Basan ram lal Og rama Astaroth dâm, Edrei khuohai leh; chuong chu Manasse nau Makir thla, Makir thla zâtvehai ta dingin, an sûngkuo izir ang peia a ruot a nih.

JOSUA 24:14

Chuleiin, Lalpa chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, Lalpa rawng chu bâwl ro.

JOSUA 24:23

Chun, ama ma chun, “Chuong chu a ni chun, tûn nangni laia hnam dang pathien umhai chu sie hmang dai unla, in lungrilhai chu Lalpa Israelhai Pathien tieng chun inthlêktir ro,” a ta.

RORELTUHAI 10:16

Chuongchun, anni laia hnam dang pathienhai chu an sie hmang vawng a, Lalpa rawng chu an bâwl ta a; chun, Israelhai lunginzîngna lei chun a lungril a lungngai ta bêk bêk el a.

RORELTUHAI 10:6

Israel mipui chun Lalpa mithmua thil suol chu an lo thaw nâwk ta a, Baalhai le Astaroth, Suria mihai pathienhai, Zidon mihai pathienhai, Moab mihai pathienhai, Ammon mihai pathienhai, Philistin mihai pathienhai rawng an lo bâwl ta a; chuongchun, Lalpa chu an nghatsan a, a rawng an bâwl ta naw a.

RORELTUHAI 2:11

Chun, Israel thlahai chun Lalpa mithmuhah thil suol chu an lo thaw a, Baalhai rawng an bâwl ta a.

RORELTUHAI 2:13

Lalpa chu an nghatsan a, Baal le Astaroth rawng an bâwl ta a.

1 SAMUEL 31:10

A râlthuom chu Astaroth inah an sie a, a ruong chu Bethsan kul banga chun an târ a.