1 SAMUEL 6:3 - Pathien Lekhabu Inthieng (BSI)

³ Anni chun, “Israelhai Pathien bâwm hi infetir ding in ni khawma a ruok chun infetir dêr naw ro, a kuomah bâwsiet inthâwina inhlân ngei ro, chuongchun, sukdamin um in ta, nangnia inthawka a kut lâk sawn a ni nawna san khawm hre tâng in tih,” an ta.

1 SAMUEL 6:3 Iomraidhean Croise

JOB LEKHABU (THE BOOK OF JOB) 10:2

Pathien kuoma chun hieng hin tîng ka ta, Thiemnaw mîn changtir naw la, Keimaa hin ieng ang am i lungawi zâwng a ni mîn entir lem rawh.

FESUOKNA 23:15

Chawl ṭhanglo bei ruoi i nei ding a na, ni sari sûng chawl ṭhanglo bei fâng i ta, thu ka pêk ang chea, Abib thlaa hun ka ruotpêk che huna khan (chu thla chun Aiguptaa inthawkin i hung suok a ni si a) chun, tukhawm ka hmaah kut ruokin an hung inlang ding an nawh.

FESUOKNA 34:20

Sabengtungte hmasa tak chu berâmtein intlan i tih; în tlan naw chun a rîng her bawng i tih. I naupasal nau lutîr po po chu intlan i tih. Tukhawm ka hmaah kut ruokin a hung inlang ding a ni nawh.

FESUOKNA 8:15

Nisienlakhawm, Pharao chun chuong chu a bo tah ti a hriet chun, a lungril a sukngar a; Lalpain a lo hril ta ang ngei khan an thu chu a ngai naw a.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 6:6

A bawsiet inthâwina dingin, berâm ruol laia mi, i ngaia bawsiet inthâwina dinga âwmtâwk, berâmchal demkailo Lalpa ta dingin thiempu kuomah a hung kei ding a nih;

DÂN PAHNINA 16:16

Kum tin nangni laia pasal po po chu vawi thum Lalpa hmaa hmun a la ruot dinga chun an inlang ding a nih. Chawlṭhanglo bei ruoiṭhea dâm, châwlkâr ruoiṭhea dâm, bâwkte ruoiṭhea dâm.

1 SAMUEL 5:11

Chuongchun, Philistin lalhai po po chu an ko khâwm a, “Israelhai Pathien bâwm hi infe hmangtir unla keini le kan mihai a mi sukhlum nawna dingin a umna hmun pângngaiah fe nâwk raw se,” an ta. Khaw pumpuia chun thina khawp buoina nasatak a um a; Pathien kut chun chu khuo chu a del hle si a.

1 SAMUEL 5:7

Chuongchun, Asdod khuoa mihaiin chuong ang chu a nih ti an lo hrietin, “Israelhai Pathien bâwm hi ei kuoma hin um zing da raw se ie, ei chunga le ei pathien Dagon chunga a kutthlâk a na êm el,” an ta.

1 SAMUEL 5:9

Chun, chuonga an fetlungpui chun, Lalpa kut chun khuo chu a hung sukbuoi ta a, khuoa mihriemhai chu a chîn a lienin a hrem a, pânse hri an chungah ân lêngtir a.

1 SAMUEL 6:8

Chun, Lalpa bâwm chu la unla, tawlailîra chun sie unla, chun, bawsiet thilînhlâna in inhlân rângkachak thil hlu chu thingrema khumin a sîrah sie unla, infetir unla, inthla el ro.

1 SAMUEL 6:9

Chuongchun, ama ramri tieng lampui hrawin Beth-semesa chun a fe am en ta u; a fe chun ei chunga thil ṭha nawtak hi ama thaw nîng a ta, a fe naw chun a mi hremtu chu ama kut a lo ni nawh ti hrieng ei ta, ei chunga hung um ve hrim hrim nîng a tih,” an ti a.