1 SAMUEL 5:9 - Pathien Lekhabu Inthieng (BSI)

⁹ Chun, chuonga an fetlungpui chun, Lalpa kut chun khuo chu a hung sukbuoi ta a, khuoa mihriemhai chu a chîn a lienin a hrem a, pânse hri an chungah ân lêngtir a.

1 SAMUEL 5:9 Iomraidhean Croise

INPÂKNA HLABU 78:66

Ama dotuhai chu a vuok kîr a, Kumkhaw hmingsietna ân hlawtir ta a.

AMOS 5:19

Sakeibaknei mâksan a, savawm intuokpui mi ang le, ina lût a, bang chunga kut innghat a, rûlin a chuk ang chu a nih.

DÂN PAHNINA 2:15

Mipuihai laia inthawka an bohmang dêr hmakhat chun anni chu sukbohmang dingin Lalpa kutin a tai zing bawk a.

1 SAMUEL 12:15

amiruokchu, Lalpa râwl chu ngai lova Lalpa thupêk in helsan chun in puhaiin Lalpa kut an tuor ang bawkin nangni khawma tuor in tih.

1 SAMUEL 5:10

Chuongchun, Pathien bâwm chu Ekronah an infetir a. Pathien bâwm chun Ekron a va tlung chun, Ekron khuoa mihai chu, “Israelhai Pathien bâwm chu eini le ei mihai sukhlum dingin ei kuomah an hung lâk tah,” tiin an khêk ta rak el a.

1 SAMUEL 5:11

Chuongchun, Philistin lalhai po po chu an ko khâwm a, “Israelhai Pathien bâwm hi infe hmangtir unla keini le kan mihai a mi sukhlum nawna dingin a umna hmun pângngaiah fe nâwk raw se,” an ta. Khaw pumpuia chun thina khawp buoina nasatak a um a; Pathien kut chun chu khuo chu a del hle si a.

1 SAMUEL 5:6

Lalpa kut chu Asdod khuoa mihai chunga chu a ril ta hle el a, sietna ân tlungtirpêk tâwl ta a, Asdod khuo le a vêl khuohai chu pânsiein a hrem tâwl bawk a.

1 SAMUEL 6:11

Chun, Lalpa bâwm chu tawlailîra chun an sie a, rângkachak chaichene lim le pânsie lim siena thingrem leh.

1 SAMUEL 7:13

Chuongchun, Philistin mihai chu an tlâwm ta a, Israelhai rama chun an fe nâwk ta naw a. Chun, Lalpa kut chun Philistin mihai chu Samuel dam sûng po chun a tai ta zing a.