1 SAMUEL 5:7 - Pathien Lekhabu Inthieng (BSI)

⁷ Chuongchun, Asdod khuoa mihaiin chuong ang chu a nih ti an lo hrietin, “Israelhai Pathien bâwm hi ei kuoma hin um zing da raw se ie, ei chunga le ei pathien Dagon chunga a kutthlâk a na êm el,” an ta.

1 SAMUEL 5:7 Iomraidhean Croise

2 SAMUEL 6:9

Chu ni chun David chun Lalpa chu a ṭi a, “Iengtin am Lalpa bâwm hi ka kuom hung tlung thei a ta aw?” a ta.

1 CHANCHIN SUINA 15:13

A hmasa khawm khan nangniin in phur naw leiin Lalpa ei Pathien chun a mi lo sukṭhul ta a; thupêk angtaka ei lo thaw naw leiin,” a ta.

FESUOKNA 10:7

Chun, Pharao siehlawhai chun a kuomah, “Hi mipa hi ei ta dingin ieng chen am châng a ni ding a ni leh? An Pathien Lalpa chu a rawng an bâwlpêk theina dingin mihai chu infetir ta la: Aigupta hi suksiet vawng a ni tah ti hi i la hriet naw rawp am a nih?” an ti a.

FESUOKNA 12:33

Aigupta mihai chun Israel mihai chu inhmâwtaka suok dingin an nawr sek sek a, “Ei thi zo vawng ding an ta hi,” an ti leiin.

FESUOKNA 8:28

Pharao chun, “Lalpa in Pathien kuoma chun thlalêra in inthâwi theina dingin infetir ka ti cheu, amiruokchu, hlatakah fe naw unla, ka ta ding khawmin mi ngênpêk rawh,”a ti a.

FESUOKNA 8:8

Pharao chun Mosie le Aron a ko a, “Lalpa chu ngên ro, ka mihai le ka kuoma inthawkin uṭawkhai hi lahmang sienla; chun, Lalpa kuoma an inthâwi theina dingin mipui chu infetir ka tih,” a ti a.

FESUOKNA 9:28

Hun ta raw se, riel le vâninrûm ri nasatakhai hi a bona dingin Lalpa chu hni la, chuongchun, infetir ka ti cheu, um ta hrim hrim naw ti niu,” a ti a.

JEREMIA 46:25

Sipaihai Lalpa, Israel Pathien chun hieng hin a tih: “Ngai ta u, No khuoa um Amon le Pharao le Aigupta le, a pathienhai le, a lalhai le; Pharao ngei le ama ringtuhai chu ka hrem ding a nih;

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

1 SAMUEL 4:8

Ei chung a rik ie! chuong pathienhai kut hrâttaka inthawk chun tuin am mi sandam a ta? Chuong pathienhai chu an nih, Aigupta mihai thlalêra hri tinrênga sukhlumtu chu.

1 SAMUEL 5:6

Lalpa kut chu Asdod khuoa mihai chunga chu a ril ta hle el a, sietna ân tlungtirpêk tâwl ta a, Asdod khuo le a vêl khuohai chu pânsiein a hrem tâwl bawk a.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui ta a.

1 SAMUEL 6:20

Beth-semes khuoa mihai chun, “Hi Pathien inthieng Lalpa hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.