1 SAMUEL 5:3 - Pathien Lekhabu Inthieng (BSI)

³ Chun, Asdod khuoa mihai chun a zînga zîngkâr an hang tho chun, ngai ta, Lalpa bâwm hmaa chun Dagon chu a hmaia hnuoi sikin a lo tlu dêr el a. Chun, Dagon chu an lâk a, a umna hmuna chun an sie nâwk a.

1 SAMUEL 5:3 Iomraidhean Croise

1 LALHAI 18:26

Chun, bâwngchal an puol chu an lâk a, an buotsai ta a, “Aw Baal, mi hung dawn raw khai,” tiin zîngkâra inthawka sûn chenin Baal hming chu an ko a. Nisienlakhawm, riva iengkhawm a um dêr naw a, a dawntu hrim hrim hlak an um bawk nawh. Chun, an maichâm siem vêla chun an inchâwm an inchâwm el a.

INPÂKNA HLABU 115:7

Kuthai an nei a, iengkhawm an tâwk thei si nawh. Kehai an nei a, an lâwn thei si naw a, An hnukin an ṭawng thei si nawh.

INPÂKNA HLABU 97:7

Milim siemfâwmhai rawngbâwltuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni si a; chun, Aigupta mihai pathienhai chunga khawm rorêlnahai intlungtir bawk ka tih, Lalpa chu ka ni hi!

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 40:20

Chuong ang thilpêk pe zo lova, pase taluo chun thing hmawn lo ding a thlang hlak; milem siemfâwm, inhnîng lo ding, a ta dinga inngîrtirpêktu ding ama ta dingin a zawng hlak.

ISAI 41:7

Chuongchun, a chârna tieng thua chun, “A ṭha ie,” tiin themthiem mi chun rângkachak sut mi ân fui a, tubaua sutnâm mi chun dolunga sut mi chu ân fui bawk a; chun, ân hnîng nawna dingin kilnahaiin a kil tlat a.

ISAI 46:7

An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

ZEPHANIA 2:11

An chunga chun Lalpa chu ṭiumtak nîng a ta; hnuoi chunga pathienhai po po chu a sukbohmang ding a ni si a; chuongchun, mihriemhai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkârhaia inthawk chun.

MARKA 3:11

Khawhri inthieng nawhai khawmin ama an hmu po leh a hmaa bawkkhupin, “Nang Pathien Naupa chu i nih,” tiin an khêk hlak a.

1 SAMUEL 6:1

Lalpa bâwm chu Philistin mihai rama chun thla sari a um a.

1 SAMUEL 6:5

Chuleiin, in pânsie limhai le in ram suksetu chaichene lim chu siem unla; chun, Israelhai Pathien chu chawimawi ro; chuongchun, a kut chu in chunga dâm, in pathien chunga dâm, in ram chunga dâm sukzâng nuom rawi naw nîm.