1 SAMUEL 4:2 - Pathien Lekhabu Inthieng (BSI)

² Chun, Philistin mihai chu Israel mihai lo dang dingin an lo inzar dar a; chun, an hang inthaw chun Philistin mihai hmaa chun Israel mihai chu an tlâwm ta a; indona hmuna chun sipai sâng li lai amanih an that a.

1 SAMUEL 4:2 Iomraidhean Croise

ṬAP HLA 3:40

Ei lampuihai chu thaw ṭâl ei ta, zawngsuok ei ta, Lalpa kuomah inher kîr nâwk ei tiu.

LEVI DÂN 26:37

Tu ihnawt lovin kâwlhnâma hnawt ang elin inpalthlu rem rum an ta; in hmêlmahai lo dang dingin hrâtna hrim hrim nei naw ti niu.

NAMBAR 14:45

Chuongchun, chu tlânga um Amalek mihai le Kanaan mihai chu an hung thla a, an thaw a, Horma chenin an hnawt a, an vuokthlûk rum el a.

JOSUA 7:12

Chu lei chu annâwm, Israelhaiin an hmêlmahai an ngam thei naw; ṭawngsephur an lo ni ta leiin annâwm an hmêlmahai an hnung innghat el chu; thil pumpêk chu in laia in sukbo phawt naw chun in kuoma hin ka um ta naw ding a nih.

1 SAMUEL 17:21

Chun, Israel mihai le Philistin mihai chu indo ding chun an lo inzar a, sipai le sipai chu an lo inep a.

1 SAMUEL 17:8

Chun, a ngîr a, Israelhai sipaihai chu a ko a, an kuomah, “Iengdinga indo dinga in hung inzar dar am a na? Kei Philistin mi, nangni Saula siehlawhai in nih a ni naw am a nih? Mi inthlang unla, ka kuomah hung thla raw se.

1 SAMUEL 4:1

Chun, Samuel thu chu Israel mi po po lai chun ân thang suok ta a. Chun, Israel mihai chu Philistin mihai do dingin an fe suok a, Ebenezer kâwlah ṭhanghmun an khuor a; Philistin mihai ruok chun Aphekah ṭhanghmun an khuor a.

1 SAMUEL 4:10

Chuongchun, Philistin mihai chun an hang thaw a, Israel mihai chu an tlâwm a, an puonin tieng seng an tlân ta vawng a; an that nasa êm êm el a, Israelhai laia sipai sîng thum an thi a nih.

1 SAMUEL 4:3

Chun, mipuihai chu an riekhmuna an fe chun Israel upahai chun, “Ieng leia vawisûn hin Philistin mihai hmaa Lalpain a mi suktlâwm am a nih aw? Ei kuoma um a, ei hmêlmahai kuta inthawka mi sandam dingin Siloa inthawkin Lalpa thuthlungna bâwm kha hang lâng ei tiu,” an ta.