1 SAMUEL 3:9 - Pathien Lekhabu Inthieng (BSI)

⁹ Chuleiin, Eli chun Samuel kuoma chun, “Fe la, va zâl nâwk phawt la, a ko nâwk che chun, ‘Lalpa, thu hril rawh, i siehlaw hin a ngai zing,’ ti el rawh” a ta. Chuongchun, Samuel chu a hmuna chun a va zâl nâwk ta a.

1 SAMUEL 3:9 Iomraidhean Croise

INPÂKNA HLABU 85:8

Pathien Lalpa thu hril ding chu ngai ka ta, A mihai le a mi inthienghai kuomah lungmuongna thu a hril ding a ni si a; Nisienlakhawm, anni chu invêtna tieng ngha nâwk ta naw raw hai se.

INPÂKNA HLABU 85:9

A sandamna chu ama ṭituhai hnaia chun a um ngei ngei hlak a nih; Ei rama hin ropuina a um theina dingin.

FESUOKNA 20:19

Anni chun Mosie kuomah, “Nangin kan kuomah thu hril la, ngai kan tih; Pathien ruok chun kan kuomah thu hril naw raw se. Chuong naw chun thîng kan tih,” an ti a.

ISAI 6:8

Chun, “Tu am tir ka ta, tu am ei ta dingin fêng a ta?” tiin Lalpa râwl chu ka hriet a.

DANIEL 10:19

Ama chun, “Aw nasataka ditsaka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um ta a, “Ka lalpa hin thu hril raw se, i mi sukhrât ta si a,” ka ta.

THILTHAWHAI 9:6

Lalpa chun, “Isu i suknawmnat hi ka nih; nisienlakhawm, tho la, khuoah lût rawh, chuongchun, i thaw ding lo hril an ti che,” a ta.

JOSUA 5:14

Ama chun, “Ni lo e, Lalpa sipaihai hotu dinga hung ka ni lem,” a ti a. Chuongchun, Josua chu hnuoiah a bawkkhup a, chibai a bûk a, a kuomah, “Ka Lalpa chun a siehlaw kuoma hin ieng am hril ding a nei a?” a ta.

1 SAMUEL 3:10

Chun, Lalpa chu a hung a, a hung ngîr a, a hmaa a ko ang khan, “Samuel, Samuel,” tiin a ko nâwk a. Chuongchun, Samuel chun, “Thu hril rawh, I siehlaw hin a ngai zing,” a ta.

1 SAMUEL 3:8

Chun, Lalpa chun Samuel a ko nâwk a, chu chu a vawi thumna a nih. Chun, a tho a, Eli kuoma chun a fe a, “Hitaka hi ka um, i mi ko a,” a ta. Chuongchun, Eli chun naupang chu Lalpain a ko a nih ti a lo hriet ta a.