1 SAMUEL 26:3 - Pathien Lekhabu Inthieng (BSI)

³ Chun, Saula chun Jeshimon dep, lam palailaka chun Hakila tlânga chun ṭhanghmun a khuor a. David ruok chu thlalêra chun a um zing a; chun, Saula chu ama zawng dingin thlalêra chun a hung ti a hriet a.

1 SAMUEL 26:3 Iomraidhean Croise

INPÂKNA HLABU 63:1

Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

1 SAMUEL 23:15

Chun, David chun ama sukhlum tumin Saula chu a hung inthawk ti a hriet a; chuongchun, David chu Ziph thlalêr Horeshah a um a.

1 SAMUEL 23:19

Chuongchun, Ziph mihai chu Gibea-ah Saula kuomah an hang fe a, “David chu kan kuomah Horesha kulbîngah, thlalêr simtieng pang Hakila tlângah ân bihmang zing a ni naw am a nih?

1 SAMUEL 24:3

Chun, lam kârlaka chun berâm huon umna pûk hi a va tlung a; chun, Saula chu inthier fihlîm dingin a va lût a. Chun, David le a mihai chu pûk sûngril tieng chun an um a.

1 SAMUEL 26:1

Chun, Ziph mihai chu Gibeaa Saula kuomah an fe a, “David chu Jeshimon dep Hakila tlânga chun ân bihmang a ni naw am a nih?” tiin an va hril a.

1 SAMUEL 26:4

Chuleiin, David chun enthlittuhai a tir a, Saula chu a hung tak tak a nih ti a hriet chieng ta a.