1 SAMUEL 22:2 - Pathien Lekhabu Inthieng (BSI)

² Chun, mi lunginzing taphawthai, leibat nei taphawthai, lungninawna nei taphawthai chu a kuomah an fe khâwm a; chuongchun, an hotuah a um ta a, chun a kuoma chun mi za li lai an um ta a.

1 SAMUEL 22:2 Iomraidhean Croise

2 SAMUEL 17:8

Chun, Husai chun, “I pa le a mihai chu i hriet a, sipai huoitak, mi kâwlhrâwngtak, phûla savawm a tê manpêk ang el an na; chun, i pa hi indo mi a na, mipui lai chun riek khawm riek kher naw ni.

2 SAMUEL 5:2

Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, Lalpa chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a ti kha,” an ta.

2 LALHAI 20:5

“Kîr nâwk la, ka mihai hotu Hezekia kuomah hril rawh, ‘Lalpa, i pu David Pathien chun hieng ang hin a tih: I ṭawngṭaina kha ka hriet a, i mitthli tla khawm ka hmu a, ngai ta, sukdam ka ti che a, ni thum nia chun Lalpa inah hang fêng i tih.

2 LALHAI 4:1

Chun, zâwlnei naupasalhai nuhmeihai laia nuhmei tu amani chu a khêk a, Elisa kuomah, “I siehlaw ka pasal chu a thi ta a, i siehlaw chun Lalpa a ṭi hlak ti i hriet a, chuongchun, a leibatnapa a hung a, ka nauhai pahni suoka um dingin ama kuomah ṭhuoi a tum a nih,” a ta.

THUVARHAI 31:6

Bohmang el dinga inzosa zing kuoma chun zu chu pe la, Lungrila rimsi kuoma chun uoin chu pe rawh.

MATTHAI 11:12

Baptistu Johana inthawk tu chen hin vân ram chun thaw rakna a tuok hlak a, a thaw rakhai chun an pâwnglâk hlak.

MATTHAI 11:28

“Nangni sininrim le phur rik phur po pohai, ka kuomah hung unla, keiin inchâwltir ka ti cheu.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

RORELTUHAI 11:3

Chuongchun, Jepthah chu a unauhai laia inthawk chun a tlân hmang a, Tob ramah a um ta a; chun, Jepthah kuoma chun mi hotak takhai an um a, ama chu an zui hlak a.

RORELTUHAI 18:25

Dan mihai chun a kuomah, “Keini lai hin ṭawng mei mei naw ta khai, chuong naw chun chu mi lunginrawm kut tuor rawi i tih; nang le i sûnghai hringna chân el rawi in tih,” an ti a.

1 SAMUEL 1:10

Chun, Hanna chu a lungril a lunginzîng êm êm el a, Lalpa kuomah a ṭawngṭai a, lungsetakin a ṭap a.

1 SAMUEL 22:3

Chun, David chu chutaka inthawk chun Moab rama Mizpeah a fe a, Moab lal kuoma chun, “Pathien thil mi thawpêk ding ka hriet hmakhat chu ka nu le ka pa hung hai sien, i kuomah lo um raw hai se, ka hni che a nih,” a ta.

1 SAMUEL 23:13

Chuongchun, David le a mihai za ruk lai chu an tho a, Keila khuoa inthawk chu an suok a, fena remchâng natieng poa chun an fe ta a. Chun, David chu Keila khuoa inthawkin a tlân suok tah ti Saula an hril a; chuongchun, inthawk suok chu a ṭhul ta a.

1 SAMUEL 25:13

Chun, David chun a mihai kuoma chun, “In kâwlhnâm pai seng ro,” a ta. Chun, an kâwlhnâm chu an pai seng a, David khawm chun a kâwlhnâm chu a pai a; mi za li laiin David chu an hang zui a; chun, mi za hni chu thuomhnaw nghâkin an um a.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienlakhawm, David chu a Pathien Lalpaa chun ân sukhrât a.

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.