1 SAMUEL 2:3 - Pathien Lekhabu Inthieng (BSI)

³ Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.

1 SAMUEL 2:3 Iomraidhean Croise

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni si a;)

JOB LEKHABU (THE BOOK OF JOB) 31:6

(Bûkna indiktaka bûkin mîn umtir sienla, Pathien chun ka ringumna chu a hriet theina dingin)

INPÂKNA HLABU 147:5

Ei Lalpa chu a ropui a, thilthawthei tienga khawm hrâttak a nih, A varna chun tâwpintai a nei nawh.

INPÂKNA HLABU 17:10

Anni chu anni thâu vêka inhuonin an um a, An bauin chapotakin an ṭawng hlak.

INPÂKNA HLABU 31:18

Hmûr khêlhliphai chu ṭawng thei lovin um raw se, Chuonghai chun chapo le hmusit pumin, Ṭawng chapotakin mi fel an hrilsiet hlak a.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing si a.

INPÂKNA HLABU 75:5

In ki chu chungtieng suksâng naw unla, Rîng tlûn pumin ṭawng naw ro.

INPÂKNA HLABU 94:4

Anni chu an ṭawng mei mei a, iniemtakin thu an hril a, Thil suksuoltuhai po po chu mâni an inpâk hlak.

THUVARHAI 16:2

Mihriem lampuihai po po chu ama mithmuahai chun ân thieng a, Lalpa ruok chun lungrilhai chu ân khi hlak.

THUVARHAI 24:12

“Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

DANIEL 5:27

TEKEL chu ‘Bûknahaia chun bûkin i um a, tling lova hmu i nih,’ tina a nih.

MALAKI 3:13

“In thuhai chu ka chungah a hrawmhraw êm el, sipaihai Lalpa chun a tih, Nangni chun, ‘Ieng âm kan hrilsiet che a?’ in ta.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

JOSUA 22:22

an kuomah, “Lalpa, pathienhai Pathien, Lalpa, pathienhai Pathien chun a hriet a; Israelhai khawmin hre raw se! Kan maichâm siem hi Lalpa nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

RORELTUHAI 9:38

Chu phingleh Zebul chun a kuomah, “Tu am ie, Abimelek a rawng ei ibâwl ding chu? tia i hrilna bau kha khaw lai am a um ta leh? Hienghai hi i mi hmusithai ngei kha ni lo am an nih? Va suok la, va thaw mawl raw khai,” a ti a.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.