1 SAMUEL 2:2 - Pathien Lekhabu Inthieng (BSI)

² Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;

1 SAMUEL 2:2 Iomraidhean Croise

2 SAMUEL 22:3

Ka lungpui, Pathien ama chu ring ka ta, Ka phaw le ka sandamna ki, ka kulbîng insâng le kân humhimna a nih; Ka sandamtu, nangin inpâwngnêknaa inthawkin i mi sandam hlak.

2 SAMUEL 22:32

Lalpa naw chu tu am Pathien an um? Ei Pathien naw chu tu am lungpui an um a?

2 SAMUEL 7:22

Chuleichun, Aw Lalpa Pathien, nang chu i ropui a nih, kan naa kan hriet angin nanga ang hrim hrim an um naw a, nangma naw chu Pathien hrim hrim an um bawk nawh.

1 LALHAI 8:23

“Aw Lalpa, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

INPÂKNA HLABU 111:9

Ama chun a mihai kuomah intlanna a hung tir a, A thuthlung chu kumkhuoa dingin a ruot a, A hming chu ân thiengin inza a um a nih.

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 18:31

Lalpa naw chu tu am Pathien a um a? Ei Pathien naw chu tu am lungpui a um a?

INPÂKNA HLABU 71:19

Aw Pathien, i felna khawm ân sâng êm êm a nih, Aw Pathien, nang thil ropuitakhai thawtu, Nangma ang hi tu am an um a?;

INPÂKNA HLABU 71:3

Keia ta dingin umna lungpui, ka fe thei rawpna ding, hung ni la, Nangin kei mi sandam dingin thu i pêk a, Ka lungpui le ka kulpui i ni si a.

INPÂKNA HLABU 73:25

Vâna khin nang naw chu tu am ka nei a? Hnuoia khawm hin nang naw chu ka dit tukhawm an um nawh.

INPÂKNA HLABU 86:8

Aw Lalpa, pathienhai lai chun nang ang hrim hrim an um naw a, I thilthawhai ang hi thilthaw hrim hrim a um bawk nawh.

INPÂKNA HLABU 89:6

Vân dumhaia khin Lalpa le hrilkhi thei ding tu am an um leh? Mi thilthawtheitak nauhai lai khin Lalpa ang,

INPÂKNA HLABU 89:8

Aw Lalpa sipaihai Pathien, Aw JAH, nang anga mi hrât tu am an um a? I ringumna chu i vêlah a um si a,

INPÂKNA HLABU 99:3

Anni chun i hming ropuitak, ṭîumtak chu inpâk raw se, Ama chu ân thieng a nih.

INPÂKNA HLABU 99:5

Lalpa ei Pathien chu chawimawi unla, A ke innghatna bula chun chibai bûk ro, Ama chu ân thieng a nih.

INPÂKNA HLABU 99:9

Lalpa ei Pathien chu chawimawi unla, A tlâng inthienga chun chibai bûk ro; Lalpa ei Pathien chu ân thieng si a.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

ISAI 40:18

Pathien chu tu lêm hrilkhîng in ta? Annawleh, ieng lim am ama le chun hrilkhîng in ta?

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

JEREMIA 10:6

Aw Lalpa, nanga ang hi tukhawm an um nawh, i ropuia, i hming chu thilthawtheinain a ropui bawk a.

LEVI DÂN 11:44

Kei hi Lalpa in Pathien ka ni si a; chuleiin, insukthieng unla, inthiengin um ro; kei kân thieng si a; hnuoia chêng, bawkinvâk chi a ieng ieng khawma insukpawrche naw ro.

LEVI DÂN 11:45

In Pathien ni dinga Aigupta rama inthawka ṭhuoitu cheu Lalpa chu ka ni si a; kei kân thieng si a, chuleiin, nangni khawm in inthieng ding a nih.

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei Lalpa in Pathien hi kân thieng si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai taphawt chu eini inchûktirna dinga ziek an ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:8

Lalpain suol neia a ingai naw chu an hamṭha,” tia a hril ang khan.

DÂN PAHNINA 3:24

‘Aw Lalpa PATHIEN, i siehlaw kuoma hin i ropuizie le i kut hrâttak chu în langtir phawt chu a ni ta a; vâna manih, hnuoia hin amanih, i thilthaw ang le i thilthaw ropuitak ang hi thaw thei pathien tu am an um a?

DÂN PAHNINA 32:20

‘Inbîk hmangsan ka ta, Iengtin am an um hrim hrim,’ a ta. Suon rilo an nih, Ringum lo nauhai.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 4:35

Lalpa chu Pathien a nih ti in hriet theina dingin in kuoma suklang a na; ama naw chu a dang hrim an um nawh.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin Lalpa chu Pathien a nih ti hre ro; a dang hrim an um nawh.

1 PETER 1:16

“Nangni in inthieng ding a nih, kei kân thieng si a,” ti ziek ang khan.