1 SAMUEL 15:3 - Pathien Lekhabu Inthieng (BSI)

³ Amalek mihai do dingin fe la, an thil nei po po hla hrim hrim nei dêr lovin sukbohmang vawng rawh; nuhmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 15:3 Iomraidhean Croise

INṬANNA 36:12

(Timna chu Esau naupa Eliphaz thaikêm a nih, ama chun Eliphaz chu Amalek a neipêk a). Hieng hi Esau nuhmei Ada naupasalhai chu an nih.

2 SAMUEL 1:8

Chuongchun, ka kuomah, ‘Tu am i ni a?’ tiin a mîn dawn a. Chun, kei chun, ‘Amalek mi ka nih,’ tiin ka dawn a.

FESUOKNA 17:14

Chun, Lalpa chun Mosie kuomah, “Lekhabuah hi hi hriet zingna dingin ziek la, vân hnuoi po poa inthawkin Amalek hriet zingna hi thai hmang dêr ka tih ti Joshua naa chun inhriettir rawh,” a ti a.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

NAMBAR 24:20

Chun, Amalek tieng chu a ngha a, thu a hril a, “Amalek chu hnam bultak a ni nâk a chu, A tâwpna chu bohmangna a nih,” a ta.

NAMBAR 31:17

Chuleiin, naupang laia pasal ta phawt chu that unla, nuhmei mi pâwl taphawt chu that bawk ro.

JOSUA 10:39

chuongchun, chu khuo le a lal le a khawpuihai po po chu an lâk a, chun, kâwlhnâmin an thaw a, a sûnga mi um po pohai chu an sukhlum fai rêt a, pakhat khawm hlâ hrim hrim an nei nawh; Hebron chunga thaw ang khan Debir le a lal chunga khawm an thaw a, Libna khuo le a lal chunga an thaw ang bawk khan.

1 SAMUEL 14:48

Huoitakin a thaw a, Amalek mihai chu a hne a, Israel mihai chu anni rawk hlaktuhai kuta inthawkin a sansuok a nih.

1 SAMUEL 15:18

chun, Lalpa chun a tir suok che a. ‘Fe la, mi suolhai, Amalek mihai chu sukhlum vawng la, an bohmang dêr hmakhat chun thaw pei rawh,’ a ti che a.

1 SAMUEL 15:9

Amiruokchu, Saula le mipuihai chun Agag chu an hla a, berâm ṭha ṭhahai, bâwngchal ṭha ṭhahai, a thau thau dâm, berâmte le a ṭha po po leh, chuonghai chu an sukhlum nuom naw a; a ṭha naw le an dit naw po chu an sukhlum vawng a.

1 SAMUEL 22:19

Chun, Nob, thiempu khuo chu kâwlhnâmin a thaw a, a nuhmei a pasalin naupang le nênê ne lai chenin, bâwnghai, sabengtunghai, berâmhai leh kâwlhnâmin a sât hlum a.

1 SAMUEL 27:9

Chun, David chun ram chu a thaw a, a nuhmei a pasalin hla hrim hrim a nei naw a, berâmhai dâm, sebâwnghai dâm, sabengtunghai dâm, sanghâwngseihai dâm, an silfên dâm a lâkpêk a; chun a kîr nâwk a, Akis kuomah a fe a.

1 SAMUEL 30:17

Chuongchun, David chun nisa tlâka inthawkin a zînga zântieng chenin a thaw ta a, tlangvâl za li, sanghâwngsei chunga chuonga tlânsehai ti chau naw chu tukhawm dama suok hrim hrim an um nawh.