1 SAMUEL 12:3 - Pathien Lekhabu Inthieng (BSI)

³ Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.

1 SAMUEL 12:3 Iomraidhean Croise

2 SAMUEL 22:22

Lalpa lampuihai chu ka hraw a, Ka Pathien kuoma inthawk chun suoltakin ka fe hmang ngai si naw a.

NEHEMIA 5:11

Vawisûn ngei hin an lohai, an grêp huonhai, an oliv huonhai, an inhai le, an sum le an bu le an uoin le hriek hmun zaa hmun khat in lâk hlak khawm chu, pe nâwk vawng ro khai,” ka ti bawk a.

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

FESUOKNA 20:17

I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.

FESUOKNA 22:4

A thil inrûk chu, bâwngchal amanih, sabengtung amanih, berâm amanih a hringa a kuta hmu a ni chun, a lêthni peiin thung a tih.

FESUOKNA 23:8

Chun, thamna i lâk ding a ni nawh, thamna chun hmutheina neihai khawm an mit a sukdel a, mi fel thuhai khawm a keikâwi hlak si a.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

LEVI DÂN 6:4

a thil suksuol leia thiemnaw a chang chun, a înrûk dâm, hlêma a thil lâk dâm, a kuoma sum inkawltira um dâm, thil inhmang a hmu dâm,

LEVI DÂN 6:5

khêla ṭawng a înkhâmna thil ieng khawm chu a thung nâwk ding a nih; a kim charin thung nâwk vawng a ta, a hmun ngaa ṭhea hmun khat chu a chuongin bel a tih; bâwsiet inthâwina ân hlân ni chun a neitu chu a pêk nâwk ding a nih.

NAMBAR 16:15

Chuongchun, Mosie chu a lung a sen hle el ta a; Lalpa kuomah, “An thilinhlân chu pawm naw rawh, an sabengtung chu pakhat khawm ka lâk naw a, tukhawm ka sukna bawk nawh,” a ta.

MATTHAI 22:21

Chun, ama chun an kuomah, “A ni sa chun, Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta.

LUKA 19:8

Chun, Zakai chu a ngir a, Lalpa kuoma chun, “Ngai ta, Lalpa, ka sum zâtve pasiehai kuomah pêng ka ta; chun, tu chunga khawm thil ieng khawm lo hlêpru ka ni chun a lêt liin thung nâwk ka tih,” a ta.

THILTHAWHAI 20:33

Tu tangkahai, rângkachakhai, silfênhai khawm kân hnar ngai naw kha.

2 KORINTH 12:14

Ngai ta u, hi hi in kuoma hung dinga kân zo a vawi thumna ding a nih; chun, mîn khâwkpui naw ti niua, in ta chu zawng ka ni si naw a, nangni a nih ka zawng lem cheu chu; nauhaiin nu le pa ta dingin an inkhâwl pêk ding a ni naw a, nu le pahaiin nauhai ta dingin an inkhâwl pêk lem ding a ni si a.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

1 THESSALONIKA 2:10

Nangni ringtuhai chungah inthiengtak le feltak le, demum lotaka kan umzie kha Pathien leh a mi hrietpuituhai in nih;

1 THESSALONIKA 2:5

Ieng lai khawma inpâk tehlêmna thu amanih, duâm inkhumna amanih, kan hmang lai an hriet nawh ti in hriet kha (Pathien a mi hrietpuitu a nih.)

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni lovin, Pathien thu anga inhâwk pum lemin, hlêpna tirdakum dit lei ni lovin, lungrila inhâwktak lemin,

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 12:4

Anni chun, “I mi hlêm ngai naw a, i mi suknawmna ngai bawk naw a, tu kuta inthawk khawma lâk âwm lo chu i lâk ngai bawk nawh,” an ta.

1 SAMUEL 12:5

Chun, ama chun an kuomah, “Ka kuta hin âwm naw ieng khawm in hmu nawh ti vawisûn hin Lalpa chu nangni laia hretu a nih; a hriek nâl khawm chu hretu a nih,” a ta. Chun, anni chun, “Ama chu hretu a nih,” an ta.

1 SAMUEL 2:35

Chun, thiempu ringumtak ka ta dingin indin ṭha nâwk ka ta, ama chun chu ka lungril le ka lung tuokzâwngin thâwng a tih. Chun, sûngkuo dettakah inngîr ka ta, kumkhuoin ka hriek nâl hmaa chun um a tih.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei sia, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.

1 SAMUEL 24:6

Chuongchun, a mihai kuoma chun, “Lalpa hrieknâl a nih ti hre zing si a, a chunga kut thlâk a, Lalpa hrieknâl ka lalpa chunga hi thil ka thaw hi a âwm naw tawp el a,” a ta.

1 SAMUEL 24:7

Chuongchun, David chun chuong thuhai chun a mihai chu a khap a, Saula thaw dinga an suok chu a phal ta naw a. Chun, Saula chu pûka inthawk chun a suok a, a fe ta a.

1 SAMUEL 26:11

Lalpa hrieknâl chunga chun kut ka thlâk naw dingzie chu, a lu bula fei le tuiûm ruok kha chu la ta la aw, chuongchun, fe el ei tih,” a ta.

1 SAMUEL 26:9

Nisienlakhawm, David chun Abisai kuomah, “Sukbohmang naw rawh, Lalpa hrieknâl chunga kut thlâka thiem chang thei tu am um an ta?” a ta.