1 PETER 5:3 - Pathien Lekhabu Inthieng (BSI)

³ in chanhai chungah insuklal bawk lovin, pâwlhai enkhi dingin insiem lemin inrawi ro.

1 PETER 5:3 Iomraidhean Croise

INPÂKNA HLABU 33:12

Lalpa Pathiena nei hnam chu an hamṭha a, Ama rochan dinga a thlang mihai chu.

INPÂKNA HLABU 74:2

I mihai inkhâwmhai, inhmaa i închâwk, Hnam i ro dinga i întlan kha, hre zing rawh; I umna hlak Zion tlâng leh.

EZEKIEL 34:4

A hrât naw chu in sukhrât naw a, a na khawm chu in sukdam bawk naw a; a tliek khawm chu in tuom naw a, khal hmanga um ta khawm chu in hung ṭhuoi nâwk bawk nawh, ân hmang khawm chu in zawng bawk nawh; amiruokchu, thawluina le, hrohrângsetakin an chungah ro in rêl a.

MIKA 7:14

Karmel tlâng kâra khawsâwttaka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

NAMBAR 18:7

Nang le i naupasalhai hin maichâm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

JOHAN 13:15

In chunga ka thaw ang hin nangni khawmin in thaw vena dingin ka sukhmu cheu a ni si a.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

1 KORINTH 11:11

Nisienlakhawm, Lalpaa chun nuhmei hi pasal ṭhang lovin a um thei naw a, pasal khawm nuhmei ṭhang lovin a um thei bawk nawh.

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

2 KORINTH 1:24

In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

DÂN PAHNINA 32:9

Lalpa chanvo chu a mihai an na, Jakob rawi chu a rochan an nih.

PHILIPPI 3:17

Unauhai, ka um dân inchûktuhai lo ni tâwl ro; chun, enkhi ding keini in mi nei a, chuong ang peia umhai chu en ṭha ro.

PHILIPPI 4:9

Keimaa thil in inchûka in pawmhai dâm, in hmua in hriethai dâm, khâng thilhai kha thaw hlak ro. Chuongchun, Lungmuongna Pathien chun umpui a ti cheu.

1 THESSALONIKA 1:7

Chuongchun, Makedonia le Akaia rama ringtuhai po po ta dingin enkhina in hung ni kha,

2 THESSALONIKA 3:9

Kan thei naw lei a ni naw a, nangnîn in mîn chûkna dingin, in mi enkhi dingin kan insiem lem a nih.

1 TIMOTHE 4:12

I naupangna tûkhawmin ngainêp naw raw hai seh, thu hril kawnga dâm, chângzie kawnga dâm, hmangaina kawnga dâm, ringna kawnga dâm, inthiengna kawnga dâm, ringtuhai sukhmutu ni lem raw khai.

TITA 2:7

Iengkimah thil ṭha thaw kawnga sukhmutuah insuklang la, în chûk-tirnaa chun, i takzie dâm, în zâumzie dâm,

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.