1 PETER 4:8 - Pathien Lekhabu Inthieng (BSI)

⁸ Ieng dang nêkin, ṭhahnemngaitakin inhmangai tuo lem ro; hmangaina chun suol tamtak ân khum hlak si a.

1 PETER 4:8 Iomraidhean Croise

THUVARHAI 10:12

Theidana chun inkhingna a chawk suok a, Hmangaina ruok chun bawsietna po po ân khum hmang.

THUVARHAI 12:16

Invêt lungsenna chu hriet uor a ni hlak a, Mi var ruok chun inzakna chu a thuphmang hlak.

THUVARHAI 17:9

Bawsietna inkhumtu chun hmangaina a zawng a, Thil hril hriltu ruok chun ṭhien bul a ṭhe.

THUVARHAI 18:13

A hriet hmaa dawnna petu chu, A ta dingin inzakum le invêtna a nih.

1 KORINTH 13:1

Mihriem ṭawnghai le vântirko ṭawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih.

1 KORINTH 13:4

Hmangaina chu a dawthei a, ngil a nei a, hmangainain a îtthîk naw a; hmangaina ama le ama ân pak ngai naw a, a uong naw a,

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

1 THESSALONIKA 3:12

Chun, nangni tienga hmangaina kan hau angin, nangni laia inhmangaituona le mi po po tienga hmangaina chu Lalpain sukpungin inhautir raw se cheu;

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol si a.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

HEBRAIHAI 13:1

Unau inhmangaina hi um pei raw se.

JAKOB 5:12

Nisienlakhawm, ka unauhai, iengkhawm thaw unla, inkhâm naw ro, vân sâlin amanih, hnuoi sâlin amanih, thil dang hrim hrim amanih sâlin inkhâm naw ro: “A nih,” in ti chu, “A nih,” ni sienla, “A ni nawh,” in ti chu, “A ni naw,” ni raw se; chuong naw chun thiemnaw changin um in tih.

JAKOB 5:20

mi suol a lampui inhmangnaa innghat kîrtirtu chun thinaa inthawkin a thlarau sandam a ta, suol tamtak inkhumpêk bawk a tih ti inhre raw se.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

3 JOHAN 1:2

Dittak, i thlarau chun malsâwmna a hmu angin, iengkima malsâwmna i hmu le i dam theina dingin ka ṭawngṭai hlak a nih.