1 PETER 4:3 - Pathien Lekhabu Inthieng (BSI)

³ Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.

1 PETER 4:3 Iomraidhean Croise

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

1 LALHAI 21:26

Lalpain Israel mihai hmaa a hnawtsuok Amor mihai thilthaw tinrêng ang, milimhai bein thil tirdakumtakin a thaw hlak a).

2 CHANCHIN SUINA 15:8

Asa chun hieng thu le, zâwlnei Oded thuhrilhai chu a hriet chun, ân sukhuoi a, Juda le Benjamin ram po poa le Ephraim tlâng rama khawpui a lâkhaia inthawka tirdakumnahai po po chu a sie hmang ta a; Lalpa maichâm Lalpa tuolpûk hmaa um chu a siem thar bawk a.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

ISAI 5:11

Zu hnawt dinga zîngkâr inhmataka tho a, uoinin a sukrui bûr hmakhat chena zân sâwttak tak chena um hlakhai chu an chung a rik.

ISAI 65:4

thlân laiahai ṭhunga, hmun fienrielhaia riek hlakhai, vawk sa faa, an bêlhaia thil tirdakumhai tuihâng um hlakhai,

JEREMIA 16:11

nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 16:18

Chun, a hmasatakin, an khawhlona le suolna chu a let hniin thung ka ta, ka ram chu an thil thienglo ruokhai chun an lo sukpawrche ta a, ka rochan khawm an tirdakumna chun an lo suksip ta leiin.

EZEKIEL 44:6

Chun, mi helhai, Israel sûngkuo kuoma chun hieng hin hril la: Lalpa Pathien chun hieng hin a tih: Aw nangni Israel sungkuo, in tirdakumna chu huntâwk ta raw se;

EZEKIEL 45:9

“Lalpa Pathien chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa Pathien chun a tih.

MARKA 7:22

inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:13

Sûna um angin mawitakin um ei tiu, zu dâwn buoi le zu inruia um lovin, hur le indit hmanga um lovin, insuol le inîtthîka um lovin,

1 KORINTH 12:2

Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

2 KORINTH 12:21

ka hung nâwk pha ka Pathienin nangni lai mi sukmuolpho nâwkin, kha hmaa thil suksuoltuhai lai thil inthiengnaw thaw dâm, indit dâm, hur dâm, chînga sim si lo mi tamtakhai chu ṭa rawi ka tih, ti kân lau in sawnnaw.

GALATI 5:19

Chun, tisa thilthawhai chu ân lang fel a nih; chuong chu hieng hi an nih: inditna dâm, inthiengnawna dâm, hurna dâm,

GALATI 5:21

thîkthusietna dâm, zu inruina dâm, zu hmun hlimna dâm, chuong anghai chu, chuong kawnga chun kha hmaa, “Chuong ang thil thawtuhai chun Pathien ram hluo naw ni hai,” tia ka hril lâwk cheu ang khan, ka hril nâwk cheu hi.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

1 THESSALONIKA 4:5

Pathien hre naw Jentailhai anga hur kawnga châk lovin;

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

1 PETER 1:14

nau tiawihai angin, in hriet naw laia in tienlai châknahai anga um lovin;

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.