1 PETER 3:3 - Pathien Lekhabu Inthieng (BSI)

³ In incheina chu puotieng incheina sam phier dâm, rângkachak ṭhi hli dâm, silfêna inthuom dâm chu ni lovin,

1 PETER 3:3 Iomraidhean Croise

INṬANNA 24:22

sanghâwngseihai chun an dâwn khawp phingleh, siehlaw chun rângkachak hnâra inbûk duli bûk le, a kuta dingin bânbun pahni rângkachak tangka sâwm bûk a phawr a;

INṬANNA 24:47

Chun, keiin, ‘Tu naunu am i ni a?’ tiin kân dawn a. Ama chun, ‘Milka ineipêk Nahor naupa Bethuel naunu ka nih,’ a ti a; chun, hnâra inbûk chu a hnârah kân bûk a, bânbunhai chu a kutah kân buntir bawk a.

INṬANNA 24:53

Chun, Abraham siehlaw chun tangkaruo incheinahai le, rângkachak incheinahai le silfênhai a lâk suok a, Rebeka kuoma chun a pêk a; a ṭapa le a nu kuoma khawm chun thil hlutak takhai a pêk bawk a.

2 LALHAI 9:30

Chun, Jehu chu Jezreel khuo a va lût chun Jezebel chun a lo hriet a; chuongchun, a mithai a lo nâl a, a sam dâm a lo chei a, tukvera hin a lo dâk a.

ESTHER 5:1

A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr ta a; lal khawm chu in lûtna zâwn takah, lal ina lalṭhungphaa chun a ṭhung a.

INPÂKNA HLABU 45:9

I nuhmei ṭhahai laia chun lalhai naunuhai an ṭhang ve a, I changtieng chun Ophir rângkachaka incheiin lalnu chu a ngîr a.

FESUOKNA 3:22

Nuhmei tinin a tuolbâwm le an ina mikhuol kuoma chun, tangka le rângkachak incheinahai le puonsil haw seng a ta, chun in naupasalhai le in naunuhmeihai incheitir nân hmang in ta, chuong ang chun Aigupta mihai chu suksieng in tih,” a ti a.

FESUOKNA 32:2

Aron chun an kuomah, “Rângkachak kutsebihai in nuhmeihai le in naupasalhai le in naunuhmeihai nakâwra an bêhai chu hlîp thla unla, ka kuomah hung la ro,” a ti a.

FESUOKNA 33:4

Mipuiin hi thuthang ṭhanaw hi an hriet chun an sûn a, tukhawmin an incheina chu an inbel ta naw a.

FESUOKNA 35:22

Lungrila pêk nuomna nei po po, pasal le nuhmei khawm, an hung a; puon kilnahai, hnâra khaimi kuolhai, hmingnamna kutsebihai, bânbunhai, rângkachak incheina chihai po po an hung chawi a; mi tinin Lalpa ta dingin rângkachak thilpêk an inhlân ta a.

FESUOKNA 38:8

Chun dârsenin maihûn a siem a, a ṭhut chu dârsen, intuokna puon in kawtkhâra rawng bâwl hlak nuhmeihai hlimenhaia siem a nih.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

JEREMIA 2:32

Nunghâk chun ân cheina thuomhnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng lova inthawk tah an mi theinghil a nih.

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnawhaiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl che a, i hringna lâk an tum a nih.

EZEKIEL 23:40

Chu nawa chun, hlataka inthawka hung ding mihai ta ding chun mi i tir a, an kuoma chun mitir chu tir a na; chun, ngai ta, an hung ta a; chuong ta ding chun în sâwp a, i mithai i nâl a, incheinahaiin în chei a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

1 PETER 3:2

in chângze inthieng le inzaumtak an hmu pha chun.