1 PETER 1:7 - Pathien Lekhabu Inthieng (BSI)

⁷ in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

1 PETER 1:7 Iomraidhean Croise

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

JOB LEKHABU (THE BOOK OF JOB) 28:1

“Tangkaruo ta ding chun chosuokna hmun chu a um ngei a nih, Rângkachak ta dinga sukthiengna hmun leh.

INPÂKNA HLABU 17:3

Ka lungril hi i fie a, zânah nangin i mi hung sir a; I mi fie ta a, iengkhawm i hmu si naw a; Ka baua hril suol lo chu ka tum tlat a nih.

THUVARHAI 16:16

Varna nei hi rângkachak nêka ieng ang khieua ṭha lem am a na! Anih, hrietthiemna nei hi tangka nêka thlang lem ding a nih.

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

THUVARHAI 8:19

Ka ra chu rângkachak nêkin, anih, rângkachak inthieng nêkin a ṭha lem a, Ka pungna khawm chu tangka ditumtak nêkin a ṭha lem.

THUHRILTU 5:14

chuong hausaknahai chu tuorna khawhloah an bohmang a; naupasal a nei a, anachu a kuta chun iengkhawm a um nawh.

ISAI 48:10

Ngai ta u, ka sukthieng cheu a na, nisienlakhawm, tangka sukthieng ang chun a ni nawh; rinumna raw tuina meia chun ka fie cheu a nih.

JEREMIA 48:36

Chuleiin, Moab ta dingin ka lung chu theihle angin ân ri a, Kirheresa mihai ta dingin ka lung chu theihle angin ân ri a nih; chuleiin, tamtak a ihmu tahai khawm chu a bohmang tah a nih.

JEREMIA 9:7

Chuleiin, sipaihai Lalpa chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

MALAKI 3:3

ama chu tangkaraw sukthiengtu le sukfaitu angin ṭhung a ta, Levi naupasalhai chu sukthieng a ta, anni chu rângkachak le tangkaruo angin sukfai a tih; chun, anni chun Lalpa kuomah felnain thilinhlânhai chu inhlân an tih.

NAMBAR 5:28

Amiruokchu, nuhmei chu a lo pawrche naw a, ân thieng chun fihlîm a ta, nau vawn thei pei hung nîng a tih.

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 25:21

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.

MATTHAI 25:23

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.

LUKA 12:33

In nei taphawt chu zawr unla, pasiehai kuomah pe ro; vânah rukru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 17:30

Chuong ang bawk chun Mihriem Naupa hung inlâr ni chun um a tih.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 5:44

“Nangni inchawimawituo lâwmhai, iengtin am ring thei in ta? Pathien tak chaua suok chawimawina chu in zawng si nawh.

THILTHAWHAI 8:20

Nisienlakhawm, Peterin a kuomah, “I tangka hi nanga ruolin bohmang raw se, Pathien thilpêk tangka suma inchâwk i tum leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:10

Amiruokchu, thil ṭhataka thawtuhai po po kuoma chun ropuina dâm, chawimawina dâm, lungmuongna dâm pêk nîng a tih; Juda mihai kuomah pêk hmasak nîng a ta, chun, Grik mihai kuomah ni nâwk a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:29

Amiruokchu, ân lang el ni lova Juda mi ni chu Juda tak a nih; chun, sertan tak chu lungril tienga tan a nih, Lekha thu ela ni lovin, Thlarauah a nih; ama chun mihriem inpâk a hlaw naw a, Pathien inpâk a hlaw lem hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:19

Thilsiemhai chun beiseitakin Pathien nauhai hung inlangna chu an nghâkhla hle si a.

1 KORINTH 3:13

ni chun a suklang ding a ni si a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,

1 PETER 2:7

Chuongchun, nangni a awihai ta ding chun hlutak a nih, a awi nawhai ta ding ruok chun, “In bâwltuhaiin lung an dit naw kha, Chu ngei chu a kia lung ṭangkai tak a lo ni tah,

1 PETER 4:12

Dittakhai, nangni laia fiena nasatak hung um, nangni fiena dinga in chunga hung tlung hi, thil mak in chunga tlung angin makti naw ro.

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.