1 PETER 1:5 - Pathien Lekhabu Inthieng (BSI)

⁵ Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

1 PETER 1:5 Iomraidhean Croise

JOB LEKHABU (THE BOOK OF JOB) 19:25

Amiruokchu, ka tlantu chu a hring a nih ti ka hriet a, A tâwpa chun hnuoi chunga hin la ngîr ngei a tih.

INPÂKNA HLABU 37:28

Lalpa chun rorêlna fel a ngaina si a, A mi inthienghai chu a fesan ngai naw a. Kumkhuoa dinga vawngṭhatin an um hlak a, Mi rilo thlahai ruok chu sukbohmangin um an tih.

THUVARHAI 2:8

Rorêlna lampuihai chu a vênghim theina ding le, A mi inthienghai lampui chu a vawngṭhatna dingin.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, Lalpain a tih.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JOHAN 12:48

Tûkhawm mi dit lova, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

JOHAN 17:15

“Anni chu khawvêla inthawka la suok dinga ngen che ka ni naw a, mi suol laka hum dingin ka ngên lem che a nih.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:18

Tulaia tuornahai hi ei chunga ropuina suklanga la um ding le chun hrilkhi khawpa ka ngai si naw a.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

2 KORINTH 1:24

In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 2:8

Ringna leia lunginsietnaa sandam in ni si a, chu khawm chu nangnia inthawka suok a ni naw a, Pathien thilpêk a nih.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

PHILIPPI 1:6

Nangnia thilṭha thaw ṭantu khan Isu Krista ni chen chun a thaw famkim pei ding a nih; chu ngei chu ka ring tlat si a.

PHILIPPI 4:7

Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

2 PETER 1:3

Ama ropuina le ṭhatna zâra a mi kotu, a chanchin hriet leiin a Pathien thilthawtheinain hringna le Pathien ngaisakna kawnga chun thil po po a mi pêk si a.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si naw a.