1 PETER 1:3 - Pathien Lekhabu Inthieng (BSI)

³ Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

1 PETER 1:3 Iomraidhean Croise

1 LALHAI 8:15

Chun, ama chun, “Lalpa Israelhai Pathien, ka pa David kuoma ama bau ngei a,

1 CHANCHIN SUINA 29:20

Chun, David chun, mipui inkhâwmhai po po kuoma chun, “Tuhin Lalpa in Pathien chu inpâk ro,” a ta. Chuongchun, mipui inkhâwmhai po po chun Lalpa an thlatuhai Pathien chu an inpâk a, an luhai an kûn a, lal le Lalpa chu chibai an bûk ta a.

2 CHANCHIN SUINA 31:8

Chun, Hezekia le hotuhai chu an hung a, thil siekhâwmhai chu an hmu chun Lalpa le a mi Israelhai chu an inpâk a.

INPÂKNA HLABU 41:13

Lalpa, Israel Pathien chu, Chatuona inthawka chatuon chenin inpâkin um raw se, Amen, Amen.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

FESUOKNA 34:6

Lalpa chun a hmatieng a lekhêl a, “Lalpa chu, Lalpa chu Pathien, lainatnaa sip, mi lunginsietthei, lunginsen intak, zângaina le thutak hau,

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

JOHAN 1:13

Chuong mihai chu thisena nei an ni naw a, tisa dit zâwnga nei an ni bawk naw a, pasal dit zâwnga nei khawm an ni naw a, Pathien inei an ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12

beiseina kawnga chun, lâwm unla; rinum tuor kawnga chun tuorsel unla, ṭawngṭaina kawnga chun ṭawngṭai fan fan ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:11

Nisienlakhawm, mithi laia inthawka Isu keitho nâwktu Thlarau kha nangniah a um chun, mithi laia inthawka Krista Isu keitho nâwktu khan nangnia um Thlarau zâra chun, in taksa thi theihai chu sukhring bawk a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:24

Beiseinain a nih, sandama ei um chu; nisienlakhawm, hmu thei zing beiseina hi beiseina a ni naw a, miin a hmu thei zing chu iengtin am a la beisei hlak a?

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 KORINTH 15:20

Nisienlakhawm, Krista chu mithi laia inthawkin keithoin a um tak zet a nih, a inhai tho hmaṭhuoitu a lo ni tah.

2 KORINTH 1:3

Ei Lalpa Isu Krista Pathien le Pa, lunginsietnahai Pa le thlamuongna po po Pathien chu inpâkin um raw se.

GALATI 6:16

Chun, chu dân anga um taphawthai chunga chun inremna le lunginsietna um raw se, Pathien Israelhai chunga khawm.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 2:4

Nisienlakhawm, Pathien chun lunginsietna a hauin, a mi hmangaina nasatak lei khan,

EPHESI 3:20

Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 THESSALONIKA 4:13

Nisienlakhawm, unauhai, mi dang beiseina hrim nei nawhai anga in lungngai nâwna dingin, a inhai chanchin in hriet naw kan nuom nawh.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 PETER 1:23

Chi se theia inthawkin ni lovin, Pathien thu hring zing le um zinga chun, chi se thei nawa inthawka pieng thar in ni si a.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

1 PETER 3:5

Chuong ang bawkin, inhmaa nuhmei inthieng Pathien ringtuhai khawm kha mâni pasalhai thu thua umin an inchei hlak si a.

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.

1 JOHAN 3:9

Tûkhawm Pathien inei chun, Pathien chi amaa a um leiin suol a thaw zawm zing ngai nawh, Pathien inei a ni lein suol a thaw zawm zing thei bawk nawh.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:4

Pathien inei taphawt chun khawvêl a hne pei si a; hi hi khawvêl hnea ngamna chu a nih, ei ringna hi.