1 JOHAN 5:9 - Pathien Lekhabu Inthieng (BSI)

⁹ Mihriem inhriettirna hman ei pawm chun Pathien inhriettirna chu a ropui lem si a; Pathien inhriettirna chu hi hi a nih, “Ka Naupa chanchin kân hriettir tah,” ti hi.

1 JOHAN 5:9 Iomraidhean Croise

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

JOHAN 10:38

Amiruokchu, thaw ka ni chun, kei mi ring naw unla khawm, sinthawhai bêk hi ring ro; Pa keimaah a um ti le, kei Paah ka um ti in hriet a, in ringna dingin,” a ta, a dawn a.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

THILTHAWHAI 5:32

Chuong thu chu, a hretuhai kan ni hi, Thlarau Inthieng, Pathienin a thu zâwm taphawthai kuoma a pêk kha, a hretu a ni ve bawk a,” an ta, an dawn a.

HEBRAIHAI 2:4

Pathien khawmin inchiknahai le thilmakhai le, thilthawtheina tinrênghai le, ama dit zâwng ang peia Thlarau Inthieng thil semhai le chun, anni chu a hrietpui a.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

1 JOHAN 5:8

Thlarau le tui le thisen chu: chuong pathum chu an inthuruol a nih.