1 JOHAN 5:6 - Pathien Lekhabu Inthieng (BSI)

⁶ Hi hi a nih tui le thisena hung chu, Isu Krista hi; tui chauah ni lovin, tuia le thisenah a ni lem. Inhriettirtu chu Thlarau hi a nih. Thlarau chu thutak a ni leiin.

1 JOHAN 5:6 Iomraidhean Croise

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

LEVI DÂN 17:11

“Tisa hringna chu thisena chun a um si a; in hringna intlanna siemna dinga maichâm chunga ka pêk cheu a nih; hringna dinga intlanna siemna chu thisen ngei chu a ni si a.

ZEKARIA 9:11

Chun, nanga chungthua chun, i thuthlung thisen leiin i sal intânghai chu khur sûng tui um nawnaa inthawk chun ka tir suok ta a.

MATTHAI 26:28

hi hi ka thisen, suolhai ngaidamna dinga mi tamtak ta dinga suok ding, thuthlungna chu a nih

MATTHAI 3:16

Chun, Isu baptisma a chang phingleh, tuia inthawk chun a suok nghâl ta a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmu a.

MARKA 14:24

Chun, ama chun, an kuomah, “Hi hi ka thisen, mi tamtak ta dinga suok ding thu thlungna chu a nih.

LUKA 22:20

Chun, zân bu fâk zoin chuong ang bawkin no chu a lâk a, “Hi no hi ka thisena thuthlung thar chu a nih, in aia suok ding chu.]

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu naw a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 6:55

Ka taksa hi bu tak a na, ka thisen hi dâwn ding tak a ni si a.

THILTHAWHAI 8:36

Chun, lampuia an fe malamin tui umna an tlung a; chun, mitillâk chun, “En ta, hitaka hi tui a um, baptisma chang dingin iengin am a mi hluo a?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

KOLOSSA 1:4

Chu chu, Krista Isua in ringna le mi inthieng po pohai chunga in hmangaina chu kan lo hriet leiin le,

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

HEBRAIHAI 10:29

Pathien Naupa sirde a, thuthlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

HEBRAIHAI 9:7

a dawttua ruok chun Thiempu Laltak chau kum tin vawikhat thisen chawi ngeiin a lût hlak, chu chu mihai le ama suolna ta dingin ân hlân hlak.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inremna sukpungin um raw se.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 4:10

Hitaka hin hmangaina a um, einin Pathien ei hmangai ka ti a ni naw a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.