1 JOHAN 5:16 - Pathien Lekhabu Inthieng (BSI)

¹⁶ Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.

1 JOHAN 5:16 Iomraidhean Croise

INṬANNA 20:17

Chuongchun, Abraham chu Pathien kuomah a ṭawngṭai a; chun Pathienin Abimelek le a nuhmei le a suoknuhai chu a sukdam nâwk a; chuongchun, nauhai an hung nei nâwk ta a.

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwlnei a ni si a, ṭawngṭaipêk a ti che a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a ti a.

INPÂKNA HLABU 106:23

Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.

FESUOKNA 34:9

“Tuhin nanga mithmuah lunginsietna ka hmu ta chun, Aw Lalpa, ka ngên che, Lalpa chu keini lai fe ve raw se; mi kâwmaw ni de hai sien khawm, kan khawhlona le suolna chu mi ngaidam la, i rochan dingin nangin mi la rawh,” a ti a.

JEREMIA 11:14

Chuleiin, hi hnam ta ding hin hni naw la, an ta dingin hnina amanih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni si a.

JEREMIA 14:11

Chun, Lalpa chun ka kuoma chun, “Hi hnam ta ding hin an ṭhatna dingin ṭawngṭaipêk naw rawh.

JEREMIA 7:16

Chuleiin, hi hnam ta ding hin ṭawngṭai naw la, an ta dingin ṭawngṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw che a.

EZEKIEL 22:30

Anni lai chun mi, ram chu ka suksiet nawna dinga dâi chu siem ṭha ding le, ram ta dinga, ân âwngnaa ka hmaa ngîr ding ka zawng a, nisienlakhawm, tukhawm ka hmu naw a,

NAMBAR 12:13

Chuongchun, Mosie chun, “Aw Pathien, sukdam nâwk ta khai,” tiin Lalpa chu a ko a.

NAMBAR 15:30

Amiruokchu, ân dittâwk leia thaw a ni ruok chun, chu rama pieng amanih, hnam dang amanih khawm ni sienla, Lalpa hrilsie a nih; ama chu a chipuihai laia inthawk tuithlâr ding a nih.

LUKA 12:10

Chun, Mihriem Naupa sawisêl chu a sawisêlna chu ngaidam nîng a tih; Thlarau Inthieng meu hrilse ruok chu a hrilsietna chu ngaidam ni naw nih.

JOHAN 17:9

“An ta dinga ka ngênpêk hi, khawvêl ta dinga ngênpêk ka ni nawh; nangin i mi pêkhai ta ding lemin a nih; i ta an ni si.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

1 JOHAN 5:17

Felnawna po po hi suol a nih, thina khawp nilo suol khawm a um bawk a nih.

1 SAMUEL 12:19

Chun, mipui po po chun Samuel kuoma chun, “Kan thi nawna dingin Lalpa i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.