1 JOHAN 5:13 - Pathien Lekhabu Inthieng (BSI)

¹³ Chatuona hringna in nei ti in hriet theina dingin, nangni Pathien Naupa hming ringtuhai kuomah hieng thu hi ka ziek a nih.

1 JOHAN 5:13 Iomraidhean Croise

JOHAN 1:12

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

JOHAN 2:23

Chun, Fekân Ruoiṭhea Jerusalema a um lai chun, a thilmak thawhai an hmu a, mi tamtakin a hming an ring ta a.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 21:24

Chu inchûktir chu hieng thu ziektu le inhriettirtu hi a nih; a thu inhriettir hi indiktak a nih ti ei hriet.

JOHAN 3:18

“Tûkhawm ama ring chu inthiemlovin um naw ni hai, tukhawm a ring naw chu tuta inthawkin inthiemlovin an um nghâl a nih, Pathien Naupa khât nei hming an ring naw leiin.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

THILTHAWHAI 3:16

Chun, ama hming ring leiin, a hming chun hi mipa in hmu le in hriet hlak hi a sukhrât tah a nih; anih, ama leia ringna hung um hin, in rênga mithmuah a sukdam var tah a ni hi.

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.

GALATI 4:6

Chun, nau in ni leiin Pathienin a Naupa Thlarau chu, “Abba! (Pa!)” tia khêkin, ei lungrilah a hung tir a.

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

1 JOHAN 1:4

Chuongchun, kan lâwm a famkim theina dingin hieng thuhai hi in kuomah kan ziek a ni hi.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 2:21

Thutak thu in hriet naw leiin ka ziek a ni naw a, in hriet lei le, thutakah khêl iengkhawm a suok ngai naw leiin ka ziek lem a nih.

1 JOHAN 2:25

Chun, hi hi a nih, ama ngeiin thil a mi tiem kha Chatuona hringna hi.

1 JOHAN 2:26

Chuong nangni ṭhuoi hmang tumtuhai thu chu, in kuomah ka ziek a nih.

1 JOHAN 3:23

A thupêk chu hi a nih, a Naupa Isu Krista hming awi inla, amain thu a mi pêk angin inhmangai tuo bawk inla.

1 JOHAN 4:9

Hitaka hin Pathien hmangaina ei chungah a hung inlang tah, ama leia ei hring theina dinga Pathienin a Naupa nei sun khawvêla a hung tira hin.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

1 JOHAN 5:11

Inhriettirna chu hi hi a nih, Pathienin chatuona hringna a mi pêk a, chu hringna chu a Naupaah a um a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.