1 JOHAN 5:1 - Pathien Lekhabu Inthieng (BSI)

¹ Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

1 JOHAN 5:1 Iomraidhean Croise

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

LUKA 7:5

ei hnam dâm a hmangai a, kan inkhâwmna in dâm a mi bâwlpêk a nih,” an ta.

JOHAN 1:3

Iengkim a rêngin amaa siem a nih; thil siem po po hi ama ṭhang lova siem iengkhawm a um nawh.

JOHAN 15:23

Tûkhawm kei mi theida chun ka Pa khawm a theida a nih.

JOHAN 3:3

Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

JOHAN 8:42

Isûn an kuomah, “Pathien in Pa a ni chun nangnîn mi hmangai naw ti niu am; Pathien kuoma inthawka suok le a kuoma inthawka hung ka ni si a; keima thua hung ka ni bawk nawh, ama chun a mi tir lem a nih.

THILTHAWHAI 8:36

Chun, lampuia an fe malamin tui umna an tlung a; chun, mitillâk chun, “En ta, hitaka hi tui a um, baptisma chang dingin iengin am a mi hluo a?” a ta.

THILTHAWHAI 8:37

[Chun, Philip chun, “I lungril po poa i ring chun, i chang thei,” a ta. Ama chun, “Isu Krista chu Pathien Naupa a ni ka ring,” a ta, a dawn a].

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

1 JOHAN 2:10

Mâni unau hmangaitu chu vara chun a um zing a, amaa chun tlûkna hrim a um nawh.

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:14

Unauhai ei hmangai leiin thinaa inthawkin ei suok a, hringnaah ei lût tah ti ei hriet. Tûkhawm hmangaina nei naw taphawt chu thinaah a la um zing a nih.

1 JOHAN 3:17

Nisienlakhawm, tûkhawm, khawvêl sum neiin, a unau tlasamin hmu sienla, ama chu lainat si naw sienla, Pathien hmangaina chu amaah iengtin am um a ti leh?

1 JOHAN 3:9

Tûkhawm Pathien inei chun, Pathien chi amaa a um leiin suol a thaw zawm zing ngai nawh, Pathien inei a ni lein suol a thaw zawm zing thei bawk nawh.

1 JOHAN 4:2

Hi hin Pathien Thlarau chu hrieng in tih; thlarau iengkhawm Isu Krista tisaah a hung inchang ti ṭan chu Pathiena inthawk a nih; thlarau iengkhawm Isu ṭan naw chu Pathiena inthawk a ni nawh.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:4

Pathien inei taphawt chun khawvêl a hne pei si a; hi hi khawvêl hnea ngamna chu a nih, ei ringna hi.

1 JOHAN 5:5

Isu hi Pathien Naupa a nih ti ringtu chau naw chun tuin am khawvêl a hne hlak a?